Overwatch鬥陣特攻試玩三日(補遊戲cap圖)

EdwardLam

遊戲screenshots

EdwardLam

玩咗Overwatch3日,隻game感覺都幾刺激.試過唔同角色,不過試唔哂全部,因為睇完技能介紹起碼要試半粒鐘先掌握到嗰個角色既玩法.
我揀咗精準度要求唔高既角色(唔使太落力瞄準)黎試玩呢款動作/戰術為主既遊戲,大概分享下用幾個角色既心得.
1)我第一個用既角色就係死神,貪佢型型地又有少少神秘感 再加上我本身好鍾意呢類纖細又具殺傷力.
死神既武器係兩把單發既獄焰散彈槍(用完即棄),近距離型.
我通常一開頭就輪住用佢嗰兩招普通技,快速咁衝上前線,再飛去一個有利位置.
一開場如果係防守方既就飛去攻擊方主基地附近搵制高點/將敵方開場情況一覽無遺,
再偷襲跟喺後面落單/弱小既敵人
"幽影傳送"可以用黎傳送去敵人(特別係大隻佬)既後方偷襲.
而"亡靈形態"就係要黎喺形勢不利既情況下短暫甩身
(用"幽影傳送"都可以,不過唔好喺交戰緊既時候用,因為傳送有一段時間硬直,向敵人暴露破綻)
最後嗰招"死亡綻放"梗係喺好多敵人既附近用啦.
可以用死亡綻放"配"亡靈形態"衝埋去一大堆敵人特登俾人圍.
又或者誘敵,俾人追殺既時候引佢入室內用,好似刺客教條入面拖敵人入暗角刺殺咁.
2)
玩多一陣,我覺得死神既輸出同血量唔係好夠,
於是就轉玩D.VA(我都鍾意機甲型既女性角色),要黎正面大開殺戒咁.
D.VA既時色就係有好多招技能,不過每個特性都好好用兼容易上手,超屈機,擅於中短距離既正面交鋒.
機甲配有熱核砲(雙管旋轉式加農砲),唔使入彈,因為係散射既關係唔使仔細瞄準,可以持續射出高傷害既彈幕,
簡單啲黎講即係亂槍掃射都得,唯一限制係攻擊緊嗰陣會減緩移動速度.
脫離機甲就係輕巧纖細既女仔,渣光線槍(自動手槍),高射速.
第一招技係"噴射推進",用副機甲既推進器高速咁飛行,
一開波靠佢黎衝上前線,戰鬥中可以用黎避開敵人既既火力,仲可以順便撞到敵人.
第二招"防護力場"喺戰鬥中都係好有用,可以吸收到唔少傷害.
留意番唔可以同時攻擊同開罩,所以最好掌握到敵人攻擊節奏先好用.
最後,儲滿能量條之後仲有招勁好用既絕技--自爆!
用法都係盡量衝去多敵人喺附近既位開技(可以配合前面嗰兩招用)
達到甩身效果之餘仲可以用衝擊波一鋪清大量敵人,甚至令敵方全滅!
用完之後又可以再call番副機甲,繼續進一步殺戮~
3)
炸彈鼠都係一隻幾好用既角色
唔使點瞄都可以重創敵人,(淨係揀好位置放陷阱,向敵人/敵人周圍狂炸就ok)
佢可以安全咁拆陷阱/炮塔,同埋有好大既輸出量.
主武器爆彈槍裝載5飛榴彈,榴彈會好似跳彈咁順住死物表面一路彈幾秒,並且一掂到敵人即爆.
小心,榴彈可能會炸親自己.
通常Direct hit一下起兩下止就可以解決大部分輕裝既敵人.
如果向敵人所在既掩體/狹窄通道轟哂全部~5飛榴彈都可以擊殺到敵人.
技能"震盪地雷"戰鬥時同榴彈用法大同小異,可以狂撳Shift掣左掣右掣,一邊放跳彈一邊掟地雷.
分別在於震盪地雷可以將玩家炸飛,同埋可以隨時引爆(死咗之後再引爆都得)
而鋼鐵陷阱(捕獸器)就可以令敵人郁唔到.
一開場可以喺路上放地雷,借爆炸推進自己(地雷唔扣自己血)
如果係防守方既就趕去攻擊方主基地門口(包括側門)放好哂陷阱
之後都要經常喺敵人既必經之路放陷阱.
被動技"同歸於盡"可以喺死咗之後跌一抽手榴彈,有機會死後殺敵!
絕技"地獄飛輪"最好哩喺掩體/敵人唔覺既位用,碌去多敵人附近引爆,
小心地獄飛輪同本體有機會俾人攻擊甚至打斷絕技,用既時候/用之前盡量低調.
4)
法拉
重火力,可以用腕部火箭發射器長程轟炸敵人,擅於拆炮塔
技能"跳躍噴射"可以喺短時間內突然躍升得好高,
再配合右掣/spacebar滯空可以飽覽全場,對敵人(尤其係炸彈鼠)施以空襲.
"震盪爆破"可以震開命中咗既敵人
絕技"火箭彈幕"可以持續發射小型導彈彈幕,最好喺空中用.
一開波如果係防守方既就去攻擊方主基地附近搵制高點,等大部分敵人一出黎就從空中向佢地盡發射火箭.
*****************************
正所謂知己佑彼,百戰百勝,分析多兩個我無乜點用但都幾常見既角色
萊因哈特可以開力場(吸收過千傷害)掩護隊友,但係淨係可以擋黎自前方既攻擊.
主要有兩種破法:
A用死神,D.VA,之後高速高攻既兜後劏佢背脊.
B直接用法拉/炸彈鼠遠程轟炸,喺盾後產生爆炸既餘波.
攔路豬主要攻擊模式係用高攻既廢鐵槍中近距離散射,同埋來唔鐘放鎖鍊鉤鉤敵人埋黎殺,仲識自己回血.
破解:
A盡量避鎖鍊鉤
鎖鍊鉤雖然好屈機,但有一定CD時間,而且敵人多數都射唔中LOL
B喺佢回咗血之後先開始突擊,一打開就打到尾,唔好俾機會佢回復.
*****************************
提示,唔好接近瀕死既炸彈鼠,要從高處突襲炸彈鼠,同埋擊殺炸彈鼠時要拉開一段距離.
唔好亂接近就爆既D.VA(臨爆前會有綠色光波同警告,一定要往相反方向逃跑,可以既話就嘗試追殺脫離機甲既既D.VA
攻擊方出場時要謹慎而行,如果出面有敵人埋伏就留喺基地內先,有時可以試下去唔同出口(側門).

lwc.711022

已代為合併