《即刻槍戰 Guns Rush》新手攻略

EdwardLam

《即刻槍戰 Guns Rush》有兩度專為新手而設既戰場,分別就係對戰既新手模式同埋狩獵既"勇闖新世界"

先講新手模式,佢係一個同新手一對一既對戰,場地係蒸汽飛船.
對於我地黎講係非常之容易,因為喺呢度既新手係唔會用作何異能/快速移動.
你可以當普通射擊game咁玩都得(出到去同啲30幾lv.既打會閃黎閃去)
秘訣就係善用掩體,同埋防守.
一開始你可以先哩埋喺塊板後面淨係郁個mouse轉視點,郁到"裝"到敵人.
之後慢慢觀察敵人既行蹤,再去應對.
如果你有用機槍可以轉定,離遠掃佢.
如果你係用散彈呢類近距離既武器就哩喺角落頭伏擊佢.
通常無乜人會落下層,我試過落下面嗰層,上黎嗰陣被敵人發現咗,中咗槍但都殺番佢.
你亦都可以雙跳跳上啲箱上面掃射敵人,不過無遮無掩就險咗少少.
通常都可以壓倒性勝利(根本虐其他新手),有豐厚既獎勵.
我就打咗幾盤都係10:3咁上下,至於點解都要輸3分?原因有:
1)輕敵失手
2)扣咗血都廢事理
3)太勁啲人會以為你係hacker,可能會被ban


跟住到講呢個新生既狩獵"勇闖新世界"~
一入到去會先到補給區域,我建議大家除咗要黎執野既機械人之外乜都唔好買~
之後傳送去第二區,一個圓形既場困獸鬥.
啲怪都好易打,兩三槍都打得死,可以當活靶練下/試下唔同既武器.
最後個狙擊boss都好易打,佢既攻擊就係發射兩粒黑子.
超易避,唔用快速左右閃都得(當然你都可以試下用左右閃)
好快就磨死佢~
呢個時候有得搜刮既記得行埋去佢條屍度撳實G掣,
通常會跌4件廢道具~