新手噴槍好多問題

wallacedor

小弟一直都很想試用噴槍噴油
直至女朋友買了一副1:100突擊自由
就決定初試噴槍

1.噴槍如果用淘寶貨，會不會有問題，看到大家說噴金屬油，就有問題出現，新手不太了解？

2.油有沒有常用牌子，知道有雙星和gaia，有什麼分別？

3.應滲線先，還是噴油先？

4.噴油後，需不需要上消光等等既效果？

5.稀釋油的thinner其實是甚麼？天拿水？能否用文具店的代替？還是要用專用？

6.稀釋比例是否要自己調整？每隻牌子的油不同？

7.看了影片知道要噴底色，不噴有甚麼分別？

對不起！很多問題，但希望大家認真答，新手想整靚啲，感謝
還有希望不要用太多專用詞，新手不明白

James971207

1.建議一開始買台灣貨好d，因為淘寶貨太廢，如果噴耐左就可以買日本貨。

2.油睇下你自己啦，雙星係水性，gaia係油性，如果要噴兩層油，雙星就要等耐d，gaia半個鐘到就可以噴第二層。

3.滲完線再噴油咪會遮住左滲好的線囖...

4.唔識（新手，好少噴油的說)

5.開油的thinner比五金鋪的thinner較為稀釋，但係唔同牌子的thinner都係用黎開唔同的油，呢個你google都有資料噶啦。不過最好就用返同一牌子的開油thinner啦。

6.用噴筆通常都係1（油）:3（thinner）。不過噴耐左就知點開噶啦，所以噴之前都係搵野黎試下噴啦，最好就唔好一黎就噴落模型到。

7.噴底油可以令到你面的顏色突出d囖，唔噴的話顏色的感覺咪差d囖（個人見解）

wallacedor

唔好意思，咁如果我用gaia油，可以用邊隻牌子既thinner
雙星既又可以用邊隻？

大魔先生

双星…老牌子，有水性和油性選擇，但近年已經很少人用 （原因唔講住…）


郡士…一個好流行既油，一樣有水性油性之分，而且 款式多，有珍珠油、金屬油、透明色等等 ，好選擇

西班牙AV 油係水性 手掃油，你打算用泵就不講了……

gaia 油，款式比較少，但其金屬油的光面度好出色… 金、銀色的金屬油， gaia 表現好好


仲有隻新興既 modo 油， 仲少款…但在 光漆上的表面好正，厚度好好，感覺好


至於噴泵，一個有排用…去淘寶買，係香港買，買日本貨？買台灣貨…就自已選擇吧
用以下一個泵做例… 601G型號，台灣貨，係香港買要 ＄12xx 左右，淘記賣人仔 ¥6xx 左右


噴筆就主要分 0.2mm 和 0.3 mm ⋯當然有其他口徑，不過用 0.2 或 0.3 已經足夠

光潻、消光、半消光，沒一定規矩的，但當然⋯你不會用光潻噴在一架坦克上吧

用具可以分享一下，但噴油的技術就沒法了，我都係一個新手⋯自已的作品都係麻麻，唔敢教人。
這只是個人的喜好，不代表全對的⋯最重要係自已摸索。

＊申報先…我全部油和工具都係淘淘買，到現在都未係香港買過。
至於模型就一半半，香港淘寶價錢都差不多，不過淘淘就款式多得很…

大魔先生

wallacedor 發表於 2016-3-25 11:52
唔好意思，咁如果我用gaia油，可以用邊隻牌子既thinner
雙星既又可以用邊隻？

最好係用其本身專屬 thinner，不過 gaia 油可以用郡士 thinner 開，但 gaia 既金屬油就一定要用 gaia 的專屬thinner

wallacedor

如果我底色上了油性或者水性油
之後用雙星牌嘅滲線油
如果用X20清潔，會唔會連底油都清埋？
另外，gaia油款式好像沒有直接的消光顏色
唔似雙星已經分開左兩種
如果我要上消光色，我要點做？

大魔先生

wallacedor 發表於 2016-3-26 19:48
如果我底色上了油性或者水性油
之後用雙星牌嘅滲線油
如果用X20清潔，會唔會連底油都清埋？

我自已係咁做既……


底油用油性，滲線就用 水性油…


底油如果係水性，咁就用油性滲線（不過無乜人咁做）


x20 係油性（珐瑯油） thinner，你要攪清楚 ｛油性、水性｝ 的特點，亂用 thinner 去抹，你一定會攪到想喊。油性 thinner 可以抺去 水性油，但水性 thinner 就抺唔甩油性底油。


或者你去買一些 滲線筆啦…比較保險。


光潻、半光潻等，係唔使跟牌子既，即是你用 gaia 油做底，可以噴 郡士、双星 既光潻都得。

wallacedor

滲線筆？係咪gundam marker全黑好似毛筆個支？

即係我如果底油係油性，例如mr hobby
我就唔可以用雙星個隻滲線油？
否則底油會甩色？

如果係咁，即係要買哂油性水性既thinner？
仲有一個問題，平時大家上完底油後，會唔會滲線？
個工序好似好煩，要顧及油性水性

大魔先生

wallacedor 發表於 2016-3-26 22:39
滲線筆？係咪gundam marker全黑好似毛筆個支？

即係我如果底油係油性，例如mr hobby

你好似未攪清楚 （油性）和 （水性） 油的分別？


不是用牌子去講，而係你要知用乜性質既油…
我用 郡士油，一樣用 双星油去滲線…


砌模型點會覺得麻煩呢？我一個幾十蚊既模型，砌足兩三個月…呢隻 紅慧星我已經做了 一個月，才做好一双手。這隻右腳才剛開始…

wallacedor

大魔先生 發表於 2016-3-27 16:36
你好似未攪清楚 （油性）和 （水性） 油的分別？

你隻底油係咩性質？
滲線既又係咩性質？
我想要個參考

舉個例子，你睇下我啱唔啱，我用mr hobby既油性油做底色，
之後用雙星水性油(x20a稀釋)，
再用x20a清潔出界既滲線
咁樣就冇問題？

sorry，有咁多問題，

新手想搞清楚，不想錯