[攻略心得]Clash of Queens技能介紹+分配攻略(多帳號玩家適用)

EdwardLam

Clash of Queens裏面其實有兩種技能(可能大家忽略咗):
一種係被動技(撳入去自己個樣或者公仔,喺profile底右邊數過黎第二個掣)
另一種係比較多人忽略既主動技(撳畫面右下角聯盟上面本書仔),
先講被動技:
玩家會隨住升級慢慢獲得技能點數,等級越高點數就越黎越多.
玩家可以將被動技既點數分配落技能界面既3系天賦樹("戰鬥","發展"&"輔助")度,每次分配技能點都會對嗰格技能既活動有少量加成.
玩家必須升咗上面既技能格先可以升落去(連線),但係可以自行選擇想升既類型,彈性比主動技大.
我建議如果有開副帳(小號)既玩家喺主帳度升戰鬥或者平均分配技能點,小號就盡量升資源.
由於被動技已經喺Gameplayhk第二條Clash of Queens度講咗(升資源先),我就唔再喺度詳細介紹喇~今日最想講係比較難搞既主動技.
至於主動技:
就係當玩家既等級到達Lv4,Lv20,Lv30,Lv40&Lv50既時候,就可以喺嗰個等級既技能之中揀一個黎學(只可以三揀一).
然之後每次開本書仔都可以撳啲技能黎用,用完之後要等到過咗個冷卻時間之後先可以再用,所以要小心睇時機開主動技.
如果你係用增益類技能既話,我會建議大家朝頭早一起身就開咗先(多啲上線),夜晚再開第朝就回番哂啲技
Lv.4
立即返回:3秒內召哂所以部隊番黎(唔包括參與組隊戰鬥既部隊)
適合主帳(經常要調兵行軍)
我覺得呢個幾好用,可以應付到好多緊急情況(因為部隊有限,平時調黎調去好哂行軍時間)
例如當你調走哂啲部隊去遠征,俾其他玩家攻擊既時候可以即刻調哂番黎回防.
又或者如果你急需要部隊參戰而你又擺哂佢去佢採集嗰陣都可以用
豐收:使你立即獲得相當於城堡資源總產量5小時的資源
呢個就適合資源型小號用
體力充沛：使用後立即獲得30體力
唔值得升
我諗正常玩家應該都唔缺體力(一黎有得自動回體力,二黎唔得咪啪番枝藥水,大把藥水
Lv.20
瘋狂採集:使用技能後採集資源速度提升100%,持續時間2小時.
(資源型都幾好用,特別係搭配採集既加速器或者豐收用會有疊加效果
要黎做採集活動嗰陣配埋加速用,主副帳都啱
軍團之力:使用後在30分鐘內,下一次由你發動的集結攻擊所需集結時間縮短50%,只生效一次.
都啱戰鬥型用(不過我無升
鷹眼:使用後在30分鐘內,下一次偵查將獲得相當於Lv.30既瞭望塔所能得到的情報,一覽無遺.
唔值得升
既然遲早都有30級瞭望塔,做乜仲要另外用技能,到時又要哂金幣重置棵技能樹
Lv.30(呢級技能好多都係多餘)
急速行軍:使用後在30分鐘內,下一次行軍部隊的行軍速度提升100%,只對一支部隊有效.
無乜用,太多限制(得半粒鐘,仲要淨係針對一支部隊,兼且唔係快好多)
全民皆兵:使用後在2小時內,訓練部隊佇列人數增加200.
泛用性唔高,正常訓練已經夠兵
嗜血:使用後在30分鐘內,部隊在攻擊野外怪物時的攻擊力提升20%.
做打怪任嗰陣有用,可以挑戰高一級既怪,不過平時應該唔多用
Lv.40
能工巧匠:立即獲得500個陷阱,會在你可以建造的最高等級陷阱中隨機揀一個類型(碌木/火箭/石).
無乜用,除非你經常俾人打,急住要用陷阱
總動員:使用後行軍上限增加10%,持續時間1小時.
呢招技算係不過不失,無乜野升既主帳可以升佢
掠奪:使用後在2小時內,出征的部隊負重增加10%.
少用
Lv.50
救援:使用技能後的第一次單人出征(僅包括進攻其他領主城堡或紮營部隊),損失的士兵會成為傷兵進入醫療帳篷,直到醫療帳篷住滿為止.
戰鬥型(主帳),多兵損耗嗰陣有用
資源保護:使你城市中所有資源在2小時內不會被掠奪.
多資源既type有用
(其實真係驚有人搶既既開罩咪得,或者如果副帳多資源既就自己用主帳收割(掠奪)咗副帳啲資源先)
遍地泥漿;使用後偵查或攻擊你的敵人行軍時間將會提升5倍(該技能在被偵查或攻擊前使用才會生效,城堡外戰鬥無效),持續30分鐘.
無乜用(因為要喺偵查前或者攻擊前用,仲要得30分鐘,鬼知人地幾時會黎偵查攻擊咩==)
都係俾啲成日挨打既玩家拖延時間,等援軍/其他AC到,再唔係自己用鬼哂啲唔安全資源咪無人搶囉~總結:小號就最好升哂資源(小號唔使點戰鬥勁),開哂啲資源加成然後掛機等採集.
定時定候再用番主帳收割就好(咁樣主帳就唔怕無資源同時又可以專心戰鬥或者做其他野)

EdwardLam

P.S.其實拎陷阱嗰個仲可以升唔少戰力做活動