UNCHARTED: The Nathan Drake Collection

EdwardLam

雖然我之前都有睇阿俊玩UNCHARTED: The Nathan Drake Collection同埋進巨,了解到個劇情
但係Play Station既然送得贈品唔玩又好哂,於是我今朝就開盒UNCHARTED: The Nathan Drake Collection黎玩.
無記錯阿俊好似係玩普通難度(第三易),所以我都係揀番普通難度,啱我呢個Uncharted新手玩.
發覺原來自己玩同睇阿俊玩既經歷同體會都有唔少出入!
雖然淨係玩到去第一集第二章(U-Boat嗰度),都講下啲感想先:
1.原來Nathan係會跌死架!(之前見阿俊玩咗咁耐都未試過跌死,就算企出邊緣隻手都仲會捉住邊緣吊住,搞到我以為呢隻game係無得跌死.試咗幾次之後發覺原來跌死係比想像中容易得多:
只要快速少少咁行出啲邊緣位(唔撳O掣)就會有好大機會跌死.
跌死既時候成個畫面會直接變哂灰色,有時仲會聽到主角&同伴既慘叫聲"Nate~~~"
((阿Nate今朝好慘,我已經試到佢跌死十幾次><
2.用殘忍格鬥技打死敵人真係會跌多啲彈藥架!執彈藥嗰陣會顯示(x2)
3.終於明點解阿俊以前啲射術差,原來撳咗L2瞄準個準星真係會偏移.