動漫電玩節經歷+感想

EdwardLam

一年之中最正既日子當然就係動漫節啦~小弟今年決定分兩日去(要俾多$35入場費),玩盡啲~
因為要參加課外活動,補習既關係,兩日都係中午即刻搭地鐵趕過去,晏晝又番出黎補習,午飯都唔使食.
同以往一樣一出地鐵就要打蛇餅,不過因為條隊夠長既關係(經常兜附近啲天橋,商場走廊&地面花園),
推進得都幾順暢(係有時中伏行錯咗冤枉路)~建議大家去動漫節都係順住行好啲,因為有啲"捷徑"行唔通仲要由頭行過.
終於入到去,一入會場就見到超顯眼既Play Station VR試玩,可惜啲籌晨早已經派哂(連續兩日都係咁,中午12點幾都趕唔切==),
Play Station除咗VR試玩之外隔離仲有一個攤位負責其他野(e.g.PS4試玩,買Play Station既野,同ACG角色合照,etc.)
而PS4既試玩一樣係滿哂人,仲要好多game都要18歲先玩得(包括我幾鍾意既Deus Ex Human Revolution, Resident Evil, etc.)
唯一試玩到既係本土原創既香港感染,雖然都係18禁同埋多人玩,不過幸好啲職員隻眼開隻眼閉,好多小朋友都有得玩,總算體驗到VR遊戲啦~
一如既住,高達模型佔最多會場面積.小弟睇完人地啲精緻既模型之後忍唔住想買番盒,咁啱Bandai做緊特價,
用兩舊水就買到盒突擊自由,仲有file同高達marker送添,幾抵吖~
至於動漫攤位亦都有唔少價廉物美既精品,難得有就緊係買埋啦:
除咗去攤位之外,今年小弟亦都終於鼓起勇氣問cosplayer影相(因為啲cosplayer實在好靚)
最後,我去Play Station度用三千幾蚊買埋個PS4 set,正呀~
動漫節既意義就緊係買啲平時唔會點買既野啦(e.g.18禁^^)
小弟舊年去角川買咗幾乎30本輕小說,中間攝咗3本平時唔敢買既18禁書(因為同一個series有幾集係18禁,例如加速世界既第17集或者約戰既第10集)
因為唔夠時間舊年啲書幾乎未開始睇,所以今年索性唔買書lu~
雖然到最後都未試玩過Play Station啲野,不過個PS4 set真係好抵,今次既動漫節係值得去既~
稍後會再介紹詳細情形