GTA 4 路人/平民AI心得

EdwardLam

GTA IV入面啲路人其實都幾得意:
行路篇
-當你用拳頭打路人時,大部份路人會走,少部份會打番你
-當你拎任何一款槍械喺手時,幾乎所有路人都會走(手動描佢地效果更佳)
-當有路人襲擊你既時候,警察會捉佢地/打佢地,正如警察對玩家一樣
(我試過引一個女人打我,跟住等佢上警車之後再渣車跟住架警車行.
過咗一段時間,我'整停'咗架警車,個女人落咗警車之後繼續打我,我殺咗佢就被警察通緝...)
渣車篇
-通常當玩家'正正常常'咁行去NPC渣既車前面時,架車會停低.
之後你再貼住佢車頭撳三角掣就可以輕鬆搶到佢架車
-如果有人(包括NPC)喺其他NPC架車前面開槍/打架,NPC可能會踩油撞死佢
(我試過用呢個方法整死啲敵人-引佢地去馬路"借車殺人")
-如果你喺NPC架車附近開槍/炸附近既車,NPC可能會退後/撞開其他車走
(通常你打算將一大堆車擺埋一齊連鎖引爆就會咁,
所以最好搵架大架啲,重啲既車就障礙,e.g.貨車/巴士)
-當你搶走一架NPC既車時,一部份NPC會走(特別係當你手持武器騎刧嗰陣)
但有啲NPC會追住你搶番架車/拉你落車打你,解決方法大致有3個:
1)褪後撞死佢,2)喺佢捉到你車門時加速甩佢,3)殺咗/嚇走個司機先上車
-如果你用槍對住NPC車塊玻璃窗/攻擊佢地架車,佢地可能會逃走/落車
的士篇
-附近有的士時可以撳L1掣吹口哨叫的士
-叫完的士喺後座撳三角掣就可以搭的士
(喺前座撳會變成騎刧架的士)-如果你本身被警察通緝(即使係一粒星),的士都唔會載你
-如果的士入面本身有人(NPC),就算玩家撳咗L1掣都唔會有反應
-但係你可以直接去後座撳三角形趕走原本既乘客
-如果架車本身有乘客而玩家騎刧咗架的士,啲乘客會:
1)儘量喺架的士減慢既時候落車
2)如果你一搶咗架的士就踩油衝得好快,佢地會喺架車上面亂咁叫
(橫衝直撞被差佬追時效果更佳)