挑戰獵隼

ziv

首先以下係廢話...

1.1更新之完,四大挑戰副本已經成為一般級別既副本
所以攻略獵隼成為我地團隊既首要目標(當然DZ都好重要)
而炸車BUG被修正後,我地馬上著手進行左困難既攻略
結果好快就完成左困難級別既攻略法
我諗好多人都成功攻略到...所以唔講困難級別既攻略法
(反正已經可以暴力壓過)

由於係一班打工仔既團隊,所以每日得3~4個鐘去攻略,再加上要入DZ,所以攻略得比較慢
喺多次被挑戰級獵隼凌虐之後...今日我地團隊終於成功攻略左挑戰級獵隼
(俾啲掌聲自己,啪啪啪啪啪啪啪啪啪啪啪啪)

OK,廢話講完,係時候講下攻略既方式
首先要準備以下既材料(?)
電工一名,準電工(平均流)一名,體火隊員兩名
然後每位隊員請準備狙擊槍,因為地圖較大,而此攻略法又必須進行長期防守戰,所以狙擊槍成為快速擊退敵人既武器
再黎就係技能方面
電工方面請準備智能掩體(回血)同埋支援平台(補彈藥)
準電工就準備掃瞄(爆擊加乘)同支援平台(免疫)
體火隊員分為1號(較高體力同裝甲)同2號
1號請準備掃瞄(爆擊加乘)同支援平台(免疫)
2號請準備回血技能(可復活隊友)同支援平台(免疫)
大技方面請全數使用防禦大技

材料準備好哂,係時候進行料理(??)
大家首先要知道"神奇L位"先,佢係位於副本地圖既左邊中間位置,左面會有一道門,而後方會有一間房
點解要知道呢個位置呢?因為呢度有好大機會唔會俾裝甲車炸到(不過依然有機會炸中,可以玩困難模式試下先既)

然後大家請直接揾一位開防禦大技衝入神奇L位(建議由電工負責,因為CD時間較快)
電工到達後請進入掩體並緊守於右邊近中間位置
而準電工就守於左邊近中間位置
1號就守喺右邊位置
2號就守於最左邊既位置(有幅牆既,後面就係頭先講既左面門)
1,2號隊員必須小心裝甲車既飛彈,因為好多時佢地會瞄到你地個位置,從而炸中,有滅團既可能性...
然後就係分工工作,1號請專心清理右前方既敵人
電工就清理右後方既敵人
2號同準電工就負責左前方既敵人
如果其中一邊清理完成或者無敵人,請馬上支援另外既隊友(當然盡量入掩體)
所有隊員基本上技能CD完成,請馬上開啓技能,特別係電工,電工既智能掩體同彈藥平台非常重要,直接影響到團隊既生死
所以電工無論咩事都盡量留喺掩體,唔好出去,如果佢不幸倒地/死亡,而情況許可,請馬上救電工

到達並就位後就係防守既環節

第一波非常危險,因為敵人有大量閃電兵(散彈兵)同埋陣形未準備好,請準電工開防禦大技進行防守
先清理閃電兵,然後馬上對付所有普通兵,因為佢地既燃燒手榴彈非常危險

第二波有普通兵同手榴彈兵,請先處理普通兵,因為相對手榴彈兵,普通兵會進入L位,仲會丟燃燒手榴彈

第三波開始有無人機,1號請盡快處理無人機,電工可以於掩體內對付於後方既無人機

第四波左面門會有一隻普通兵出黎,佢手上有C4,請集火擊殺,並由1號或2號拿取C4
進行適量既清理(左前方通道)後,請馬上由左前方通道前進安裝C4,因為呢一波會不停出敵人
(最好兩人上前安裝C4,但電工必須留守)
拿取C4既隊員必須開防禦大技到裝甲車後方並進行安裝
最好可以放一個支援平台,因為炮台會先攻擊支援平台,可以分散火力
當開始安裝C4時,就唔使擔心,因為就算死亡,C4依然會成功安裝,而且C4爆炸,裝甲車射完飛彈之後,死亡既隊員會復活,所以只要有一名員存活就OK
(第四,八,十一同十五波都一樣咁安裝C4,之後唔再講)
(飛彈發射完成後,要清理一定數量既敵人,先會再進入下一波)

第五,六波會有狙擊手,玩家可以於L位既左面向上進入攻擊,盡量避免離開掩體

第七波會有大量無人機出現

第八波出現C4,而C4就喺右前方既狙擊兵身上,請盡快擊殺,因為會危害到1號同電工既安全,然後拿取C4並安裝

第九波出現機槍兵,佢地非常厚血,而且會由後方出現,會減少輸出空間

第十波有特工出現(技能兵),佢地有能力令玩家用唔到技能,所以可能的話盡快處理

第十一波正右方上層一隻機槍兵會拎住C4,如果情況許可,可以等佢行近啲先擊殺,但如果佢開始走遠,請盡快處理

第十二至十四波,左面門會有敵人出現,必須即時處理,所以可能的話就開防禦大技

第十五波,最後一波,拎住C4既係一隻特工,會喺左前方出現,盡快擊殺,然後清理一下通道(殺唔哂既,因為會不停出敵人,所以剩一兩隻都OK)
之後就衝上前拎C4同安裝C4,其他隊員盡力保命,等飛彈射完,就可以完成任務

必須注意事項:
1. 電工非常重要,佢死左,滅團既機會會即時提升到90%
2. 擊殺次序(個人意見)  閃電兵>狙擊手>機槍兵>無人機>特工>普通兵>手榴彈兵>醫療兵
(根據佢地危害生存空間既能力)
3. 技能必需長駐,所以彈藥平台非常重要,因為可以加快CD時間
4. 因為要分工,會令玩家好多時會專注於攻擊,所以必須有良好既溝通,例如補位同救援之類
5. 隊友死亡必須救(安裝C4除外),但請優先解除威脅,然後再救,就算係電工都一樣
6. 由於有bug既關係,天賦"野戰醫生"(急救包可以幫20尺內既隊友回血)(好似係咁)係會引發爆炸效果,會直接破壞智能掩體,所以全隊人都必需解除呢個天賦


第一次寫攻略法,有咩睇唔明既地方請出聲,會盡我能力去講解
又,如有其他玩家認為我既攻略法有可改進既地方,請多賜教,多多交流