The Division 全境封鎖任務: 獵隼殞落 全攻略

garyman8

今日正常打獵隼困難, 野團4個200分以上, 輕易過關。(180分-210分裝備最適合)
原來現在大部份野團都識打獵隼, 就係在隧道入面捱15波。

第四波時, 女人叫你用炸彈炸車, 只要之前殺左持有炸彈之敵人(其頭上有菱形作記號), 拾取一件金色光柱的物件(就是炸彈), 玩家頭上多了個菱形, 誰就要去炸車。頭上沒有凌形的玩家走去炸車是不能成功的。

但第四波, 第八波, 第十一波, 第十五波要取得炸彈 , 保護炸彈, 同炸車。  

到左第15波,  炸左車就所有兵仔死曬唔駛打, 如果唔炸車, 兵仔係打極都有, 不斷出現。到時就會唔夠子彈打, 所以到了15波的中段去炸車是最可行的方法。

garyman8

打獵隼隕落須要知道的事項:   

裝甲運兵車前面正中間下面地底有兩個補子彈箱。

裝甲運兵車左右兩邊支紅外線槍可用佢地左右的控制器熄左佢。但十數秒後支紅外線槍又會自動開番。

每逢4,8,11,15 波炸了車子後,  倒地不起的隊友可以自動重生, 這點很重要, 帶著炸彈的隊員, 只要走到車後面引爆, 成功了是不再需要理會自己的死活, 只要過多廿秒後, 隊中仍有生還者, 其餘死了的隊員都可以在場地的前面復活。   供應子彈的子彈箱不時也會重生

總共15輪兵仔, 有些人喜歡在看台打一陣先跳下去打,  但打到第四輪中段就要跳下去打, 因為唔跳落去取炸彈炸車, 第四輪兵仔係唔係過去, 兵仔死曬又加番, 都係保持在第四輪。

隊友在看台上, 係會互相頂住對方, 所以要預留時間比企中間的隊員跳走, 當有炸彈時。

garyman8

如何炸車:

其中一個關鍵係要在隧道上去炸車前,  要確保外面的士兵係死淨兩三個, 因為要專心應付架車的攻擊。外面敵人的數量是一個關鍵, 那一波死曬又會開始下一波, 那時就十幾個敵人一起上來攻你,  所以留番兩三個敵人唔好殺佢地, 走去炸車就最安全, 因為這樣就不會開始下一波。

係要自己的體力夠多, 血夠厚, 走到車旁先關掉一邊的紅外線槍後,  敏捷地跳過欄杆(如果在有欄杆果邊攻過去), 去到車身邊按■, 炸完即走到安全地方。 當時仲可能身邊已經周圍係敵人, 最緊要鎮定, 回一次血再係咁衝回墜道, 繼續打到第15波。

garyman8

獵隼困難過關後, 所得到的獎勵好彈性,  就是一件綠裝, 最多得214分, 有時更加得191分。

彩色熊貓

更新完之後都冇打過... 但係任務獎勵唔係一個星期一次咩?
同埋出C4嘅小怪係 第4,8,11,15波

garyman8

在隧道入面打獵隼的影片:

https://www.youtube.com/watch?v=zGHVVR4-LqU

garyman8

用另一個地方做地盤, 就是在上面右邊的一個角落, 可望清楚整個形勢, 打得一清二楚, 打得更爽快和刺激, 裝備要夠高分才易進行。

在上面打獵隼的影片上:
https://www.youtube.com/watch?v=oNMrfLQugA0&feature=youtu.be


在上面打獵隼的影片下:
https://www.youtube.com/watch?v=ZeGs5SONFso&feature=youtu.be

garyman8

獵隼難度又加大左, 應該在週四(四月廿八日) server 維護後產生, 敵人突擊速度加快, 敵人衝落隧道的速度快左一倍。 遊戲製造者可能研究過玩家怎樣打獵隼, 玩家們真的要加倍小心。

衝落隧道的速度, 有如獵鷹, 名乎其實的獵隼。