康科特地下酒吧既故事

EdwardLam

大家一開始應該都會黎到康科特呢一個小鎮,而喺呢度既地下酒吧竟然有一段不為人知既恐怖故事.
呢個地下酒吧位於康科特鎮既中部,對正博物館嗰條街.
(圖入面左邊道門就係通往康科特地下酒吧)

是咁的:
呢間咁詭異既酒吧個老闆叫傑克•平客曼.核爆既時候呢一間地下酒吧無事,
於是呢間酒吧就成為咗倖存者聚集既地方,最多嗰陣同時容納過23位倖存者.
大家一齊分享食物,互相照顧,直到有一班強盜到黎…

當時既細節已經無從查證,淨番阿老闆傑克,佢既老婆肯妮同少部分人生存落黎.
強盜幾乎搜刮哂所有既食物,留下既就只有絕望.
傷痛欲絕既傑克開始自暴自棄,試各種毒品,仲將對面時裝舖既模特兒公仔擺滿哂成間酒吧,當佢地活人咁對待...
終於有一次,又high大咗既傑克同佢老婆發生爭執,喪失理智既佢殺死咗佢老婆肯妮,然後番番上張床度訓教…
第二日,傑克被口渴折磨醒咗,佢起身去廁所搵水既時候先至喺浴缸度發現咗阿肯妮條凍屍,
而更慘既係,佢知道自己親手殺死咗佢老婆…

出於對自己既保護意識,傑克拒絕承認係佢殺死咗阿肯妮.
佢日日都喺度發神經咁自言自語,話係班強盜做既.
但係無人關心,大家都開始啪藥度日,死哂喺樓下張梳化或者地板上…
但係有啲"人"喺傑克眼裏面仲係生既——就係嗰啲擺滿成屋既衣架假人.
傑克不停咁同啲假人講話啲土匪點樣沖咗入黎,點樣打暈咗佢,強樣強暴殺害阿肯妮.
佢甚至搵咗把砍刀用膠帶綁喺假人手上面,將佢地擺成土匪殺害肯妮既場景——就好似喺度還原緊個案發現場.
呢樣亦都係阿傑克唔肯埋葬肯妮,任由佢喺個浴缸入面腐爛變臭,蛆蟲遍地既理由...
佢寧願留喺個咁樣既房間度,都唔敢去郁佢老婆條屍.
他搵盡一切理由話俾自己聽,係強盜做既,同佢無關...


至於阿傑克最後點樣?喺佢徹底癲咗嗰晚,佢幾乎啪哂所有淨低既藥物...
喺美麗既幻覺之中,他將一個公仔當咗做肯妮.
佢跪低喊住咁向佢道歉,仲將個假人抱咗去張床上面,當咗做肯妮咁開始做愛.
塑質假人幾乎刮到佢下體血肉模糊,直至到藥效攞咗佢條命...


而家大家入到去酒吧,上到二樓仲可以睇到“兇案現場”:
3個假人圍住個浴缸,假人隻手上面綁住砍刀,對住浴缸裏阿肯妮既屍體...
由於過咗好多年,條屍一早已經得番棚骨,但大家唔難想像當時恐怖駭人既場景
——阿肯妮喺個浴室度死咗成廿日,仲有個癮君子喺臥室度重複咁講自己幻想出黎既案發場景.

大家如果抽空過到黎,亦都唔會空手而歸既...
假人隻手上面綁住既砍刀就係遊戲初期傷害最高既近戰武器.
大家喺床下底應該仲可以搵番當年阿傑克食剩既藥,但係最好唔好行佢條舊路...