Facebook 遊戲推介+心得--射擊, 動作, 科幻《即刻槍戰 Guns Rush》

EdwardLam

《即刻槍戰 Guns Rush》係一款好科幻既射擊game.
而佢最大既特色就係充滿動感,緊張刺激既戰鬥真係考驗到玩家既反應能力.戰鬥畫面下方除咗有行血之外,上面仲有能量槽.
而呢啲能量糟可以俾玩家進行五花八門既動作,可以高速咁移黎移去,好刺激:
兩下前掣(W/^)=衝刺
Shift=左漂移,C=右漂移(可以射避敵人既追擊)
兩下跳掣=雙跳(消耗好多能量)
放心,啲能量好快就會自動補滿.
而以上既各種動作可以令到遊戲既戰鬥氣氛更加緊湊.
除咗華麗既動作之外,仲有唔少"異能"(技)可以用(撳1-4掣),
例如:投擲菠蘿油麵包,折凳陷阱(咩料),變身,etc.



善用呢啲動作&技能可以大大咁提升玩家既快感.
除咗動作&技能之外,《即刻槍戰 Guns Rush》仲有好豐富既科幻武器,
例如:粒子炮,火焰槍,獵弓,雙槍,刀,etc.
而我一開始就揀咗狙擊槍+機關槍(本身有揀榴彈砲,但機關槍啲平均數值高啲)
啲武器可以俾玩家自行改裝,upgrade各項數值.

另外用開嗰樣武器都會有"武器既經驗值",可以提升嗰種武器既能力值.
《即刻槍戰 Guns Rush》既遊戲模式亦都好多元化,有:
殲滅,生存,亂鬥,感染,爆破,佔領,etc.

心得:
玩《即刻槍戰 Guns Rush》真係幾刺激,啲特效好正,
我揀既兩款武器都幾好用,射中敵人仲會喺右邊顯示幾多hit,爽~
不過留意番火神都係要撳定實先開到火(已經算快),
而狙擊槍通常唔可以秒殺,要補多幾槍,
(兩槍之間有一小段冷卻時間,小心敵人走甩).
呢隻game啲地圖都唔錯,咁啱玩到"香港旺角",
重生之後可以企喺招牌上面遠距離狙擊敵人.

EdwardLam

其實除咗普通既對戰之外仲有競技(1對1擂台),狩獵(獵怪),軍團戰同埋勢力戰.
而對戰既分數有好多種計法:
擊殺,擊倒,救援(救啲垂死既隊友)&助攻(對將死既敵人造成傷害,即係KILL ASSIST)

另外,呢隻game仲有爆頭,我都係好鍾意喺唔被敵人發現既位用sniper暗殺佢地.