Facebook 遊戲推介+心得--FPS《Red Crucible: Reloaded》

EdwardLam

《Red Crucible: Reloaded》係一款online既FPS遊戲.
同CS一樣都係有分紅藍兩大陣營.
除咗有豐富既武器之外,對比起其他電腦FPS,呢隻game最大既特色就係載具,
每款載具都好別緻.例如:坦克,戰機,etc.
操作載具亦都有靚啲既版面,除咗精準而方便既瞄準器之外仲顯示血,防,機槍,炮等數據.
道具方面亦都比其他FPS多元化,唔單止有手榴彈,煙霧彈,仲有特別既燃燒彈,地雷,重炮轟擊,空襲,降傘...

另外仲有貼心既新手教學,詳細咁講解點樣補給彈藥,跳,踎,跑,etc.(撳F1開全螢幕)

介紹完,我再分享一下自己既心得.
我啱啱玩呢隻game,做完新手教學之後就玩咗一兩舖個人模式加一兩舖團隊死鬥(純槍戰,未有用載具).
點知比我想像中有挑戰性.原因有:
1)將新手同熟手撈埋一齊
(其他FPS通常會group埋啲新手一齊,或者封咗某啲區唔俾新手玩,容易啲俾新手適應)
《Red Crucible: Reloaded》一玩就遇上幾個較高等級既玩家
2)新手槍太廢
(平時我鍾意爆頭,hold住一兩秒就殺到敵人)
但《Red Crucible: Reloaded》入面新手既槍後座力好大,
一撳個準星就會自然飄咗上去而射失.
於是,我決定改打身.但係因為枝槍既攻擊力&射速都好細,
射得黎已經被敵人發現秒殺.
通常我早敵人3-5秒開槍都會死...
有啲敵人可以用一款高射速兼穩定既槍狂掃.
3)隊戰難啲抄路
玩其他game既時候我好鍾意兜路伏擊敵人/行徢徑,
但因為一玩呢隻game就有啲老手睇哂所有路線,好難突破

玩咗一陣我已經發覺正面硬碰既勝算好細,就算兜口兜面射啲敵人都未必殺到,甚至被人殺番轉頭.
於是,我惟有從後偷襲敵人(e.g.喪射背脊).
最好就係衝埋去用刀秒殺敵人,因為近戰武器基本上必殺.
(Shift衝刺)
(1掣主武器,2掣副武器,3掣近戰武器)

EdwardLam

仲有Red Crucible: Firestorm,
我對人轉咗用sniper,終於可以爆頭秒殺(好感動~)
對載具嗰陣就用反坦克火箭炮,輕鬆打載具.

chingtszhang

EdwardLam 發表於 2016-3-29 08:37
仲有Red Crucible: Firestorm,
我對人轉咗用sniper,終於可以爆頭秒殺(好感動~)
對載具嗰陣就用反坦克火箭炮 ...

你遊戲叫咩名？我細佬有玩，有次返老家睇到，佢話冇香港人玩。