再次分享一個打法比大家

Simon

今次我要為大家介紹一個好安全而且輸出唔會太低，而且好型仔噶打法，我就叫佢無敵一閃流！
睇到一閃兩個字我唸大家都知係同刀有關係。無錯！哩個打法噶主要技能就係刀噶三角技能：居合斬I（II同III因為無無敵，所以忽略）
要有居合斬I，只要去賞金獵人度搵兩部主武器係刀（巴巴托斯，日輪丸，同埋菊一文字）噶機體打就得。不過個人建議用迷茫高達紅色機或者武者高達對腳。
起介紹操作之前我在講下三種居合斬噶攻擊方式：I噶攻擊方式係一閃，然後收刀，一閃狀態下無敵，收刀無無敵。II係蓄力拔刀一閃，然後收刀，因為蓄力會被打到，無敵難控制。III係蓄力發劍氣，無無敵，傷害較為高啲。
下面高潮，點解叫哩個打法做無敵一閃流。因為一閃過程無敵，加上側步無敵。跟住起每次一閃打到敵機是用側步取消收刀動作，就可以一直持續無敵狀態！！！！！
操作方法係：如果你係主武器用刀，即係三角型居合斬，一開始gum住三角開始一閃，斬中敵人時方向鍵+R，途中三角鍵同方向鍵都唔好鬆開。而且R鍵唔可以gum太快，如果唔系會變成上挑。如果你係用OP裝備，gum三角鍵就變成gum圓圈。一開始節奏把握唔好可能會成日上挑，多練練就得。仲有就係，最好將三角鍵或者圓圈上兩個EX鍵換成一啲上狀態噶EX,唔係噶話EX一ready，你就會自動用，就會打斷你噶操作。

最後我就講下我自己用完噶感想：哩只打法唔算快，但係安全，打pg機同賞金一流！不過我建議就唔好當做主流打法，好快你就唔想玩。我就主拳法，七劍背包再加OP雙頭劍，迷茫高達腳，命運高達手，飛龍高達身。所以我近戰噶打法就有拳頭，大劍，居合斬，雙頭劍，無限版爆熱神掌，同埋自爆。射擊就唔好在意，因為無愛.