Red Alert2 尤里的復仇 蘇聯線第六關攻略

EdwardLam

呢一關係上月球摧毀尤里既月球總部,地圖係一條好簡單既長方形,
最底當然係我地既基地,而最頂就係尤里喺月球既總部.
中間左右兩邊各有一個敵方既小基地,拆咗有錢獎.資源唔多,因為月球無礦,但一開始就有一筆較大既資金,之後唯一賺錢途徑就係拆基地.
一開始除咗基地車之外仲有3架坦克同一小隊飛行兵,千其唔好咁心急進攻住.起好基地死守先.敵人通常都係用飛行兵或者3-4架加農坦克進攻.
守法係:用飛行兵對飛行兵,初期起多啲飛行兵可以用人海戰術,攻守兼備.
遇上加農坦克唔好用飛行兵硬碰,回防派坦克頂.
如果有洗腦車最好用飛行兵打,因為洗腦對空軍無效.
洗腦車仲有個弱點係唔可以負荷過重,派一大堆廢坦克俾佢洗腦佢會自殘.
另外,仲可以用輻射兵紮營防守(如下圖):

注意:月球無步兵用,取而代之既係飛行兵同輻射兵呢兩個兵種.
用輻射兵駐紮喺基地周圍,如果要進攻就熄其中一個輻射兵,好似閘門咁用.

用飛行兵成功攻陷尤里左基地




之後起好一大堆天啟坦克就可以強攻


殺入尤里既月球總部


邊打邊升Lv.


拆埋呢座野



快咗少少過關 ~