Red Alert2 尤里的復仇 蘇聯線第四關

EdwardLam

呢一關就係要救個風流快活既肥佬(諾馬諾夫總理)呢關雖然有新既自爆車可以用,但我覺得啲自爆車好唔抵買.
因為佢地最多只可以爆一次,而且未必有效.
與其好似燒銀紙咁俾成千幾蚊用自爆車強攻,不如起多啲800蚊一架既V2仲好過,
遠得黎又可以玩密集式炮轟,啲火箭隔一陣又可以循環再造,好環保~
狗仔喺初期既防禦係非常之重要,
(狗仔係除咗遠攻同空襲之外唯一對付到尤里既野)　
應該要分別喺基地既上方,右上方同右方各放警犬黎看守,至少每條路都要有1隻狗.
一開始喺地圖既左下角建立基地,儘量起天啟,磁爆&V2坦克.

V2&天啟喺之後既進攻係非常之重要.
磁爆坦克爆擊傷害高,可以好似狗仔咁秒殺敵方步兵.
地圖一開始已經有豐富既礦,呢一關資源應該夠用,
另外可以派工程師佔領附近既油井增加收入.
技能方面一開始起好雷達就可以用間諜飛機開地圖.
要攻呢堆好似四合院既建築物既方法就係用一大堆主力既天啟/磁爆拆中間啲加農炮塔,
V2負責遠距離拆建築物,敵人留番俾其他坦克打.

除咗呢個"四合院之外,左手邊仲有個尤里既小基地,可以用類似既方法攻陷.
而右手邊有間旅館,嗰度就係救肥佬既地方.其他尤里佔據既建築物全部用V2炸到灰飛煙滅

至於上去過條橋打機場就要好有技巧.
因為佢條斜坡有兩座加農+兩座洗腦塔,加埋高低差就超難攻得入.
所以玩家至少要準備7-8架V2火箭.
然之後,同時向同一座設施發射火箭.由於佢啲加農炮係可以攔截導彈,所以一定要有大量既V2,
頭嗰3粒揀截咗仲有5支V2吖嘛.另外佢啲設施回復力好高,好快又維條番,
所以一定要集中火力炸其中一座設施,如果係塔防既至少要扣到3-4格,
因為佢每round到我地啲V2load好既時候佢啲血已經回得七七八八,最好秒殺.
用V2磨好哂斜坡上面既塔防之後就可以派其他坦克長驅直入,上去拆埋其他尤里既設施.
最後帶肥佬行近個機場會自動觸發到有直昇機接肥佬既劇情(我仲驚要自己派工程師佔領機場添><,
因為我個基地一早喺我進攻緊啲細要塞既時候已經被攻陷咗,而啲工程師仲要死哂)