Red Alert2 尤里的復仇 盟軍線第七關(尾關)攻略

EdwardLam

啲一關係要去南極剷除尤里既勢力,地形類似埃及,有一個蘇聯島,一個盟軍島同一個資源島,三個島互不相連
(就算用運兵艇都去唔到其他島,只可以靠超時空傳送),而尤里既主要基地設施喺盟軍島.
一開始淨係得隊工程師可以用,任務指示係要起座蘇聯雷達.
不過我就先唔佔據廢棄咗既蘇聯基地住,我先派工程師周圍探索,
佔領咗附近既資源設施先(e.g.油井)
佔據咗蘇聯基地之後我本身打算儘快起個戰車工廠同蘇聯科技中心,
再起啲天啟黎守基地,不過最後惟有放棄,速速起好座雷達算.
起好雷達之後就有盟軍傳送去另一個大島,可以起番個盟軍基地.

呢個時候,尤里亦都差唔多開始進攻,要守好哂兩個基地根本無可能.
最後我緊係選擇放棄蘇聯基地啦,啲蘇聯部隊行動得咁慢...
(最好喺敵人就黎攻陷設施既時候賣咗佢,賺番少少錢,
蘇聯基地淪陷之後連之前佔領咗既資源設施都會好快無埋...)TAT
淪陷情況:


盟軍基地既防守方式:
1.起2-4架IFV擺上面守UFO(每隔一陣就有2架UFO,好煩)
2.UFO黎到時一定要人手命令啲IFV打UFO(見到幾條紅線),因為有時佢地自動lock唔到.

3.UFO攻擊基地設施時開力場+維修(注意:擊落咗既UFO墜落黎都會扣1-2格血)

4.儘量起光棱坦克,越多越好,幻影都係,至少2架幻影.
5.經常派光棱(+幻影坦克隊進攻/離基地遠少少巡邏,進攻就係最好既防守
(有時到敵人殺到基地附近已經太遲,要喺佢地集結好前拆佢地)
6.敵人通常會喺下方既盆地集結,有時可以利用高低差

進攻:
1.一開始向正右方進攻,打到咁上下先向下(呢個係尤里基地建築既分佈)
2.小心洗腦車,見到最好打咗先.另外呢關要留意一款磁力車(會好似凋零風暴咁吸起坦克)

3.接近尤里基地時要先用光棱坦克打咗啲防禦設施(加農炮&洗腦塔先)
4.如果唔肯定/lock唔到上述設施,可以就咁派光棱坦克靠近,(令防禦設施喺光棱既射程範圍,
而光棱唔喺佢地既射程範圍)光棱坦克會好聰明咁自動炸啲設施.
5.有敵人黎最好先回防,用幻影既隱形能力守一陣先.除非你既光棱射程差夠正.



解放咗既奴隸(仲要個鏟黎做咩?幫手鏟敵人囉~)
(解放咗既奴隸係唔會再被敵人洗腦架~放心開地圖)

慢慢喺盟軍島推進,剷除尤里既基地

終於黎到尤里既大本營(比想像中易打)

清場~


清咗場(清哂成個盟軍島既敵人)之後就起超時空傳送.
(我試過起船塢+運兵艇,不過淨係可以用海軍纖滅佢既海軍, 運唔到兵)
首先傳送番去蘇聯島復仇

再傳送去資源島(因為嗰度有啲傘兵被變種/洗腦), 完成~

P.S.解放咗既奴隸(尤里要黎挖金嗰啲)可能自由意志堅定啲,無咁易被洗腦,
不過都係會被敵人攻擊,而且行動極慢.
尤里會用兩招技(洗腦,變種),基本上步兵都可能會中招.
中咗招既部隊照殺就得喇,佢地已經無得救(復原唔到,除非你load番save)
建議無心理準備既玩家唔好起步兵/放傘兵.
而我起佢地咪當開地圖/餵經驗囉~(洗腦/變種咗既步兵好易打,用坦克離遠秒殺)