Red Alert2 蘇聯線最後3關(殘兵敗將,紅色革命&北極風暴)攻略

EdwardLam

尾3關(殘兵敗將)既任務目標係愛因斯坦既天氣控制(放雷電嗰招技)一開始應該起礦廠喺蘇聯基地主島右方既礦場(山腳),另外準備好部隊防禦敵人初期既攻勢.
一開始基地上方會有少少敵人入侵,用最早default既機槍塔+陸軍解決.
之後可以輕輕修理好受損既設施(嗰兩枝機槍塔之後無乜用,爛得濟賣咗先都得).
敵人既攻勢仲未減緩,守好主要基地設施之後一定要全員調去右下角既礦廠,
尤其要保護礦車,敵人呢個時候好鍾意針對我地既礦場.
船塢可以慢慢處理,敵人之後會有架航空母艦喺基地右方放飛機襲擊船塢.
起好船塢之後先起幾艘潛艇(呢關中期好有用,係玩家海軍既主力),
派其中一隻船去左下個既海灘,有一架無畏艦送(呢關既無畏艦亦都係清沿岸建築既關鍵),
整頓好基地,起埋作戰實驗室之後都要起番啲章魚同無畏艦.
除咗要小心右邊有敵人黎偷襲基地之外,亦都要小心基地左上角既飛行兵.
守好頭嗰兩三波敵方攻勢既同時要起戰車工廠+少少磁爆電廠+作戰實驗室.
跟住起多啲天啟坦克(&V2火箭),擺喺主基地既左上角同山腳左邊做防守.
敵人會間唔鐘派飛行兵從左上角突擊建築,擺好天啟坦克之後黎幾多打幾多落黎,
咪當送經驗值囉,啲天啟過一陣就可以升到3柴, 另外要起運兵艇負責之後運送部隊既工作.
之後要用唔少天啟黎登陸敵人既第一個基地(正上方)



注意玩家既主基地既右方有一座小島,上面有豐富既礦物同埋一座維修場.
(呢關我成日要用運兵艇載礦車去其他島採礦,再番黎放礦車入廠,好唔得閒><)
維修場其實無乜用,因為呢一關主要用到既戰車都識自己回血.

攻島/登島攻略:
1.先用潛艇&章魚清除附近既敵方海軍
(潛艇同章魚通常唔會觸發敵人既防禦設施,e.g.光棱塔)
2.用無畏艦清除敵方沿岸既防禦設施,(最好先集結,先打愛國者導彈發射台)
(佢既好處係可以每次從遠距離發射密集既V2火箭)
3.用載住坦克既運兵艇從岸登陸(記住一定要用無畏艦清咗光棱塔先),
跟住慢慢推進,用天啟做陸戰主力,V2從遠距離清除光陵塔.
清除敵方基地既主要威脅之後就可以用運兵艇放工程師佔領.
攞到天氣控制既位置之後敵人會經常放雷電(殺傷力唔大),
注意維修受損既基地設施,尤其係船塢.
地圖延長咗,而目標就喺新地圖既左上角,
消滅敵方海軍之後用一堆無畏艦可以直接炸咗個天氣控制xD.
(我試過先清除敵方沿岸既防禦設施,但呢度根本唔洗登陸,直接摧毀目標就過關)


尾2嗰關紅色革命唯一既重點就係基洛夫空艇.
就算成個基地俾敵人摧都無所謂(呢關唯一輸既條件就係所有單位死哂)
一關始可以先派工程師去佔領附近既油井(一個喺上方,其餘喺右方),增加收入.
另外用動員兵佔領上方附近既草屋.
我地一開始已經俾左方,上方敵人既3個小基地包圍,
每個都有防空炮+磁爆線圈,好難突破,不過根本唔洗理,唔好接近.
基地既建築方面都係礦廠->車廠->作戰實驗室,唔夠電就起電廠.
另外一定要全力起基洛夫空艇.
之後會有3隻基洛夫空艇+少少陸軍增援送俾玩家,
嗰啲基洛夫空艇好有用,而啲陸軍主要都係要黎延長基地既壽命.
之後肯定會被尤里啲複製人大肆摧毀玩家既基地,
到時無用既野賣得就賣(除咗車廠&作戰實驗室之外多數都賣得),
儘量起多啲飛船.
基地失手之後帶哂所有淨低既基洛夫空艇進攻,可以喺基地放炸彈練陣等先或者沿途升lv.
進攻路線一定要貼住地圖既邊界,沿住進下邊向右推進,去到地圖既右下角再向上行.
上到見到象徵敵人主基地既紅磚牆一定要加倍小心,繼續向前行,上到頂先轉左.
最後直接集結好飛船後衝去克里姆林宮度放炸彈,殺尤里,搞掂~
最尾嗰關都係好難,關鍵係開頭要守好自己基地.(而初期既防守關鍵就係磁爆線圈)
一開始即刻起礦廠+磁爆線圈,起夠兩個電塔喺右手邊(敵人第一次傳送點),
另外每邊擺2個磁爆步兵幫手叉電.兵方面仲可以用啲動員兵做防守.
敵人第一次會傳送導彈車,用磁爆輕鬆解決.
起好礦廠後要起多啲發電廠,~3至4個.
另外仲要擺~5個防空兵喺左面守敵人既空軍.
再起一兩座磁爆線圈喺下方,守跟住落黎既坦克同海豹.
之後敵人每隔一段時間就會從左上角放飛機空襲,可以起防空車,海蠍做防守.
進攻方面要起船塢,戰車工廠&作戰實驗室(又係用番之前既登陸法)
不過今次登陸要注意敵方沿岸既海軍,
要先用5-6隻海豚抓住盟軍既戰艦,再用無畏艦炸盟軍船塢&沿岸單位.
之後用運兵艇載一堆工程師,天啟&V2登陸.
可以佔領敵方既戰車工廠,作戰實驗室,空指部,etc.
有得起盟軍既光棱坦克之後可以先賣咗自己嗰邊既戰車工廠.
最後用一埋基洛夫空艇殺入去左上角炸埋個超時空傳送裝置就大功告成~