FW : 推大家落火坑之：新手玩 LED 分享編

GameplayHK俊

最近喺 FB 一個高達模型交易區見到有一位有心人分享模型加 LED 燈既心得
而且唔係一般加燈，而係可以控制燈點樣閃，又或者自動跟音樂去閃，真係非常吸引！
問準左發帖人既同意後，我會將佢既心得 FW 過嚟同大家分享~

出處：高達模型交易區HKGEx

作者：Perre Pang

1. 新手玩LED分享編01

2. 新手玩LED分享編02

3. 新手玩LED分享編03

4. 新手玩LED分享編04

5. 新手玩LED分享編05

6. 新手玩LED分享編06

7. 新手玩LED分享編07

GameplayHK俊

推大家落火坑之：新手玩LED分享編01

在開始之前, 我想分享一個名詞"假組", 在模型時大家會用假組去看看效果, 然後再想怎配色? 哪裡水口可以不打磨等等, 我個人玩燈也會先假組, 目的係睇下 Program Code 得唔得, 供電work唔work, 燈又會唔會閃, 當確定晒一切才諗點螎入模型裡邊. 所以我會成日用"假組"這詞語的

這編01的目的, 是想講下硬件, 你想砌模型都要先買模型吧, 否則便要玩手指了, 所以想玩LED都要買一下硬件, 下邊是基本的硬件設備:

圖片01 - Arduino控制板 (我淘左$35)

Arduino現在很火紅, 由控制一顆LED到識對話的機械人也可以用它來做控制器, 但價錢不貴時擴充性很高, 所以我會用它來玩LED, 它有N咁多款型號, 但UNO最合適初學者的

圖片02 - 麵包板 (我淘左$5的400孔款式))

它是假組的好幫手, 原因是板下是把成行連接了, 你在頭頭比左電, 整行都會通晒, 唔洗左插又插

圖片03 - 杜邦線 (我淘左$4包,有65條)

它主要用來假組時, 連上Arduino控制器和麵包板之間, 有時還可以直接連上燈腳或其他傳感器上做假組, 它分公公, 公毑和乸乸的, 建議公公和公乸都買一包

圖片04 - LED (我淘左$7有100粒, 各色20粒)

通常測試用的大多用3mm的, 它分為紅藍綠黃白5個色, 建議各色都有D, 方便假組.

圖片05 - 電阻 (我淘左$3, 有100粒)

請買220歐姆, 但不要問點解, 因為所有官方和非官方的教學都說用220歐姆.

圖片06 - 開關掣 (我淘左$5.5有成10多20粒)

其實咩開關都OK, 傾斜開關又好, 水銀開關又好, 都OK, 不過呢款一個掣有6個開關, 細細粒容易攪吧

圖片07 - 紅外線接收 (我鴨記買左$12蚊, 但淘寶賣 $0.38 .... 陰公豬)

淘開可以淘埋, 將來玩紅外線控掣用的

======================================

下邊是我淘開的幾間店作參考

卡特寶 : 可淘LED, 麵包板, 杜邦線, 電阻, 開關掣, 紅外線接收

科易亙動機械人: 可淘 Arduino 或其他感應器

DFRobot: 都係淘 Arduino 的, 但他們公司有一班開發員, 品質上佳但價錢稍貴

註 : Arduino 採用開放源碼, 所以淘寶上的千千萬萬也不是翻版, 任何用都可以生產他們的東西, 只要把源碼分享便符合他們的版權了

GameplayHK俊

推大家落坑之：新手玩LED分享編02
============================

這編目的是對硬件深入少少講下，如果玩開嘅可以跳過。真係動手駁線玩著燈，可能要等多幾編基礎編之後，不好意思。

我又假設大家跟我買了七件硬件，但...
哇～～～七件東東乜黎架？點玩？完全爪爆頭，唔知點算！

果塊Arduino咁多窿好恐怖，無從入手！

我好明白非IT人，又唔係蒲開高登玩自己砌電腦嘅朋友，對電路板難免有恐懼症，所以呢塊板我留番下編才介紹，它其實一D都唔恐怖，因為用來用去只有幾個窿，好簡單，但為免大家擔心，我先從其他配件講起！

1) 麵包板：做乜叫面包板？食得架？哈哈～～～我唔知！

其實面包板嘅構造係把整行窿窿串起來，附圖你見到黑色和紅色的分別是各二行，只要你把電插到紅色任何一個窿，那整行紅色都有電！

做乜要咁做？你諗下如果有10支燈+1粒電心，你要10支燈10條電線駁去電心的一邊，二邊便要20條電線，煩唔煩先！

咁如果你用面包板，電心的正極駁入紅色、負極駁入黑色，那LED燈腳對應番正負極插入去便可以了，簡單又方便！咁紅黑的正負極調轉插又得唔得先？梗係得啦，佢作用只係板底多條電線幫你做伸長工作，上邊比D窿窿你插下之麻，做假組測試，越簡單越快睇結果越好吧

你又可以睇下圖中有短的紅藍黃綠，佢其實係中間每5個窿串埋一齊，唔洗下下用紅黑色呢D咁長嘅串連吧！

呢編希望大家明白面包板各窿的分佈，邊排窿會串埋一齊，日後你把燈插入去假組時，便了解板下的電線點走法！

最後，板中間我個人叫佢做楚河，用來分開上下，底板是不相連的。當然你可以在板面上下插線打通佢吧。

預計下編會講下LED和電阻，LED有分珠燈、SMD等等，再下編會介紹Arduino，之後一編跟住會比個Program大家直接Load入去Arduino令LED著燈，當然Program會盡量寫註解去說明，但電腦或Programming白痴如我，直接Load入去便work吧！

GameplayHK俊

推大家落坑之：新手玩LED分享編03
==============================

.
今集還是講下硬件，想講下LED燈，點構造咩原理唔想講，因為我都唔識，哈哈～～！但我都想吹下我所知的。
.
模型用的LED普分為圓頭或方頭，有二支針腳的，般叫直插式LED，呢種LED有個共同之處，就係長腳為正，短腳為負，而基本顏色分為紅、白、藍、黃和綠色，而電壓由紅色的1.8-2.2V到藍色的2.8V到3.2V不等，基本上正負極調轉唔會爆又唔會燒，所以建議買粒手錶用嘅鈕扣電為每粒都試一下著唔著先，以免放了到模型後才知奶野。
.
但如果由5V電去撻著LED點算？基本上如果靚貨，5V都未必會燒的，但保險起見，加粒220歐姆電阻最好，點解要220歐姆？因我玩Arduino時search左九萬個website都係咁講，但如果你喜歡尋根究底的話，請自己google，因為用電流、電壓等係有公式計算番電阻的，但如果懶人像我，記住大約每50歐姆左右可抵消1V多出的電壓便可以了，雖然唔係實數，但呢個50歐姆都OK可以的，其實220歐姆可一併由紅色低V到藍色高V都照顧晒，懶人最啱，而LED又唔會因多左一百幾十歐姆而暗左好多，所以....嘿嘿！當然一款過便算吧！
.
扯扯下扯遠左Tim，話說回來，直插式有常用的是3mm或5mm，我的格納庫便是用3mm吧，下圖係我為每支3mm焊上一個220歐姆電阻的照片，我把正極剪短，電阻也剪短，然後在正極焊上電阻，基本上電阻焊上正或負也OK的，沒問題。
.
拎起把間尺，3mm真係細到無朋友，用在PG應該OK，但如果我要砌HG或MG點算～～～～原來LED界還有很多LED的，其中一款叫做SMD，它又分為0603，0805, 1206等等不同的型號，講到尾其實係尺吋分別，例如0603的尺吋便是1.6mm X 0.8mm …… 真係鼻屎都大過佢，但佢又極適合用係HG個頭裡邊比睇仔用喎，網上有好多尺吋表，我偷了一張簡單D嘅放上來，希望大家可以容易D睇到佢尺吋吧。
.
但所有LED都有一個共通點，就係一定有正負極二隻腳～～～～但可能你會問，我見過有三隻和四隻腳架喎～～～～無錯，某些LED會把二款色，如紅藍二色放進一支LED裡，或紅綠藍三色放在一支LED也有，三色的便是RBG LED了，但點解又有四隻腳呢？原因係一支燈裡邊收埋左三個燈膽，每個色一個，所以便有三支可能係正，又可能係負的燈腳了，咁第4支係乜？第4支便是這三個燈膽共用的正或負極了，他們統稱 “共陽” 或 “共陰”，即共用陽極或共用陰極的意思，買的時候要睇清楚或問清楚呀 (三支腳係二隻色嘅燈膽放在一支燈，二隻色各一支腳再加一支共用腳，所以便是三腳仔了) ～～～如果只係按一下掣便開，按一下便關，共陽共陰都無分別，如果要做間歇閃或亂閃等等，便要用共陰了，共陽唔得咩？得！但要攪一堆野～～～所以如有特別效果便要用共陰的，將來到玩閃燈章節時再詳細講下啦。
.
最後關於LED的，便是接駁方法，大家先得個知字便OK，基本上有三種，分別為 “並聯”, “串聯” 和 “串並聯”，玩模型我們九成都用並聯的，因為並聯如果是燒一支燈，其他燈不受影響，而串聯係燒一支，全組死晒，咁串並聯呢？就係幾個串聯合成一個並聯，死一支只死串聯果組吧了。

我又上網偷圖，偷了幅簡單的，圖中應該係紅色為負，黑色為正極，全部燈的正極駁正極，負極駁負極便為之並聯，這是一個簡單的概念吧，但串聯和串並聯我就不講了，因為後來的將節應該不會提及的，有興趣了解多D的朋友可以GOOGLE一下串聯和並聯，會有好多解說的。
.
偷多一條人地的片，教點樣焊SMD LED然後塞入高達的頭裡邊，但沒教駁線或玩其他野，但好應該參考一下，焊接技巧很好很實用

（）
.
吹完一大輪水，其實幾句可以講完本節重點：

1. LED的種類，直插式，SMD，雙色和RGB三色

2. SMD的尺寸了解，以便日後塞入模型時能選擇大小

3. 並聯最常用於模型裡面

4. LED的電壓 (其實玩Arduino唔用電阻好少會燒的, 但心理上LED會長命D咁解)

5. 電阻的了解 (附上我每支燈焊一粒電阻的照片)

GameplayHK俊

推大家落坑之：新手玩LED分享編04
==============================

今日要講下最後一件硬件，便是Arduino了。
.
我這編分享會用的型號是UNO，體積雖不及mini像手指甲般大，但很適合新手如我去使用。將來大家升呢，可以玩下不同型號的
.
這編文章可能有點長，我盡量簡單易明地吹下吧，希望將來有人問你玩緊乜，你都吹到大約係乜啦。
.
Arduino咁其實係乜？佢其實係一間意大利公司開發出來的，用一顆8bit的控制器去執行一些指令，8bit？家陣window 10都64bit啦！無錯，佢真係8bit，但做好多野都桌桌有餘了！咁佢又可以做D乜？其實佢好強大，可以做：
.
1. 我用來玩LED放入模型裡邊

2. 有人用佢來做智能家居，用平板控制窗簾、電燈、煲咖啡甚至屋企大門開閉(附上書本封面，目錄不錯但我無買)

3. 也有波蘭藝術團用來制造音樂魔方(賣1288蚊美元)，加12個人體感應器，跟隨舞者跳舞而動(唔明？睇下呢條片便明咩叫魔方，女主角仲幾靚Tim "http://v.youku.com/v_show/id_XNDc0ODQ3NzIw.html?x")

4. 亦有人用來做四軸飛機配合iPad做搖控(附上照片)

5. 也有人做智能機械人(附上書本封面，目錄不錯但我無買)

6. 你公司出入拍咭或夜晚的有人經過會響的保安系統
.
睇完以上後，點睇都係玩LED最簡單吧，家陣Arduino在地球超火紅，小學生都玩到不奕樂乎，你唔係唔得丫麻？(http://www.kenming.idv.tw/adult_electric_toys_favorites_ras…)
.
跟住大家又會問，淘寶咁多係咪假貨黎架？其實呢間意大利公司用左開放源碼，任何人都可以用佢地晶片去生產或改造屬於自己的Arduino，只要乎合開放源碼便可，所以不存在翻版問題，只存在質量問題，所以買之前留意一下口啤便可以了。
.
意大利官網：http://www.arduino.cc
國內官網：http://www.arduino.cn
.
好啦好啦，講左咁多無謂野，係時候講番塊板了，附上一張意大利版的圖片，但不論任何版本，淘寶又好台灣也好，只要是Arduino UNO，板面的排位針腳應是一樣的，只有字面可能不同。
.
雖然官網有超長盡，但我只介紹重點將來會用的地方吧

圖中藍箭咀是USB頭，你可以接駁電腦用來上傳程式或供電，或插去手機火牛比電又得，只要是5V USB便可，而要幾多A電流，1A乜都夠玩了，所以手機火牛絕對OK。
.
綠色箭咀係2.1mm火牛插頭，只要符合7-12V電壓的火牛便可以用了，例如家中什麼IP Cam火牛、放濕機火牛又好，只要符合7-12V之間便OK，或者去鴨記買一隻又得！
.
而紅色線那一排，基本上0和1是不會用的，而2-13號是digital output，即是所有燈腳插入去的地方，你可以當佢係正極先，在13號旁有個GND即接地，亦即負極，所以你可在2-13每窿插一支燈腳又得，一個窿插一排又得，另一腳插負極燈腳便OK，就係咁簡單。
.
至於像9、10、11號窿的數字見到有個 - 係旁邊，咁又乜意思？佢代表呢幾個窿(UNO有6個)支持援脈衝寬度，哇～～～脈衝高達我就識，你呢個字咁Q深？其實佢唔深的，只要支LED要定時閃、要慢慢熄燈等等非一下便著晒熄晒，便會用呢幾個窿，概念係咁，好簡單！
.
好啦最後係橙色線，果度有組寫住A0-A5的窿窿，咁又係乜？A字代表Analog，即模擬，呢6個窿窿除了跟上邊一樣做Digital Output外，還可做模擬輸入的，咩時候會用？例如你想剪斷Head Phone個頭，然後將電線插入個塞，咁佢就可讀取電線上的訊號，有乜用？讀來做乜？遲下先講。
.
同一行還有三個窿窿會用，上面講左GND但得一個？而output窿窿有2-13和A0-05共16個？玩16P會頂唔住的，所以Arduino好好心比多2個GND窿窿你插下，真感恩！
.
最後在GND旁係寫住5V的，佢係輸出5V電壓的，咁又跟上邊果16個窿有乜唔同？上邊個16個除了輸出5V外，還有數據同時輸出的，而這5V窿窿純比電，無訊號的，將來如玩我那套LED跟音響跳時便會用到，到時再吹啦！
.
另外，大家係需要係你的電腦如window或mac上安裝Arduino的程式，它叫IDE，用來把程式上傳的，軟件可以官方網下載，"https://downloads.arduino.cc/arduino-1.6.7-windows.zip"，點安裝就唔詳說了，都係Next又next便攪掂，好Easy.
.

裝好軟件後，你必需要在工具裡面，在云云的不同Arduino點選UNO這個型號，而在序列阜都要對上端口的，以Window為例，端口應該是 COM? (？＝一個數子)，因為不對應控制板，程式碼係上傳唔到的。

另因我用MAC機，所以截圖可能有點不同，不好意思不好意思～～～

今日講住咁多先，下星期一再吹，到時會教大家駁線開著第一支燈吧，我希望做到大家跟住我幅圖插線，再Copy我的Code上傳去Arduino便可，盡量照顧唔想諗嘅朋友吧！
亦即懶人包，唔洗問唔洗諗照做便OK，但都會寫埋註解比想知多D嘅人。

GameplayHK俊

推大家落坑之：新手玩LED分享編05
============================
唔覺唔覺又來到05編，我可以講呢編超重要，所以呢編我盡量簡單步驟，只做插電=著燈，蚊電=熄燈，咁將來的什麼開關掣、紅外線之煩，其實都係控制比電原理吧，所以先試下手動蚊電插電先。
有人實會問，妖！蚊電插電駁電芯咪得囉，攪咁多野又Arduino做乜？但因為"萬變"不離"其中"，將來的編幅是萬變，呢編係其中，即係話將來每編都由呢編堆叠上去的，所以還是忍受一下吧！
.
好吧！大家還記得我之前講左LED嗎？我先用3mm LED去試一下吧。
.

1. 附圖1：把LED的正極插向端口(Pin)13號個窿窿，還記得哪支係正極嗎？長腳蟹係正極、短腳仔係負極吧！所以長腳插入13號，短腳插入13號旁的GND(有人叫地線、有人叫負極、官方叫GND = Ground)
.


2. 附圖02同03：係插好左嘅樣貌，上邊叫左大家直接插左入去塊板裡面，我突登插多二種方法比大家參考


02係插入面包板，因一支燈做假組為求快靚正所以直插吧，如果多幾支，塊板會好迫好亂，所以會用面包板


03係我把燈駁上長電線才能插落塊板，大家可想想，支燈放入高達個頭，然後電線經過身體再由背包或腳底出來，而塊Arduino便收埋地台底像獨角獸PG或其他地方，就係從03的方法引伸出來的，但燈頭當然要轉細細粒的SMD吧，大家好奇怪前二編叫大家買電阻，但叫左我買又唔用？原因係Arduino電壓未必燒燈，但唔用嘅話，好多人講正常可長著一年壽命，唔用可能半年便燒了，我未考証！但我可肯定用左電阻應該慳左電，因我有USB電壓計，用電阻使用的電流(MA)係少D，即意味住手機火牛，一般只有500MA但可以頂多幾支燈。而一支LED說明書話用10-20MA的。(實際好似無咁多，我用220歐姆後約2-5MA左右的)
.
3. 然後把下邊呢6行的Code先Copy然後貼上IDE再上傳到Arduino。唔記得點上傳？麻煩搵番上編04吧。
.
int ledPin = 13;
void setup() {
pinMode(ledPin, OUTPUT);
}
void loop() {
digitalWrite(ledPin, HIGH);
}
.
4. 跟住便完成了，以後你每插上USB又好、火牛又好，呢支燈都會著的，蚊電便會熄，就係咁簡單了。
.
上邊的都係懶人包，插燈、抄Code、上傳、完成！
.
但總有人想知多D、學多D的，咁下邊有少少貼士關於呢段Code：
.
呢段Code係用電腦語言C寫出來，而在Arduino裡面的格式會分成三段，而三段分別為定義、設定和執行。
.
定義：由第一行到void setup() {上面一行全都為定義，咁啱我呢段只有一行吧了，定義作用係設定一些東西，我今次就係用int呢個字話比系統知，我要定義ledPin這個名係用13號Pin，咁將來你要轉另一個窿窿時，記得改左呢個Number.
int ledPin = 13;
.
void setup() {之下係設定部份，而void loop() {這句意思係我想話比系統聽，我要設定｛ ｝裡邊的東西。
而我今次設定了一句 pinMode(ledPin, OUTPUT); <<<--呢句目的係用pinMode話比系統之我的ledPin預設狀態係OUTPUT輸出，還記得上一點嗎？我們定義左ledPin呢個名=13，所以我地唔寫名，改寫13都一樣的，但如果ledPin將會出現100次而你又要轉去10號窿窿，咁你就要改100次了，所以定義係方便日後修改的。
.
好了，有OUTPUT就梗有INPUT啦，但今次我地目的係輸出訊號比LED，所以用OUTPUT，咁咩情況會用INPUT呢？下一編的開關掣會用到的。
.
最後執行係由void loop() {開始，裡邊在｛ ｝包住之中都係叫系統執行的，今次程式碼好簡單，只有一句digitalWrite(ledPin, HIGH);
.
呢句意思係
digitalWrite - 係一個指令，意思係話比系統知，我有個"數碼的訊息"要攪攪！咁有Digital就有Analog啦，仲記得A0-A5窿窿嗎？某天要插個紅外線接收入去，咁紅外線係屬於Analog類別，到時便要用Analog了。
ledPin - 不再解釋了
HIGH - 係話比系統知，我13號窿窿要做HIGH呢個動作，但我諗唔到咩字詞去解釋HIGH，但係Arduino裡邊，HIGH=比電、LOW=熄電，就係咁啦
.
小弟只學了C語言二個月，非專家，又非老師，但呢段程式係可用，只是怕解釋錯，如有大神發現，麻煩指點一下。
.
最後因為Facebook貼相便不能同時貼片，我影左最後效果的片放了在YouTube，有興趣可睇下：http://youtu.be/fNVd3139v9U
.
寫住咁多先，發現講漏今晚再出補充吧。
.
下回預告：
在電，現有的基楚上令到LED每隔一秒會開和熄！

GameplayHK俊

大魔先生 發表於 2016-2-6 23:12
俊哥…十分好之教學啊。

我都係借人地d野嚟 FW 咋 XD

GameplayHK俊

大魔先生 發表於 2016-2-7 01:55
呢處有這些教學，人氣必會上升！
而且 arduino 係一個開放平台，日後大家有程式的可以分享一下啊。

有時間我都想玩下~
睇到佢可以跟住音樂轉色就覺得好正 XDD

GameplayHK俊

推大家落坑之：新手玩LED分享編06
==============================
.

上回講到好簡單好簡單咁用蚊電插電方式去令到LED著同熄，今回仍然基於呢個蚊電插電的方式去控制LED，但今次我會把LED燈的效果改到每隔一秒便自動著同熄，在硬件方便用番上次果套乜都唔洗加減，只係把下邊程式Copy ＆ Upload便可以了。
比對上次的程式碼，我們仍然用回13號窿窿，但在 void loop 裡邊加入了 DigitalWrite 的 High 同 Low 去指示開燈和熄燈，而且還加多一個 Delay ()，這個 () 內的數字是千分之一秒，如1000便等如1秒，500便等同半秒，100便是10分1秒，2000就是2秒了，自己可以因應自己需要修改間歇的時間。
.

.
下回預告：在這個基礎上加上一個開關掣
.
————程式碼如下－－－－
int ledPin = 13;
void setup() {
pinMode(ledPin, OUTPUT);
}
void loop() {
digitalWrite(ledPin, HIGH);
delay(1000);
digitalWrite(ledPin, LOW);
delay(1000);
}

GameplayHK俊

推大家落坑之：新手玩LED分享編07
==============================
因為這幾天工作太忙以至有所延誤，不好意思，而下一編亦用農歷年要做工人爸爸所以又要延誤一番了。
.
言歸正傳，上編講過了LED燈會每隔一秒便著和熄，大家都試過了嗎？今天會講講如何加一個開閉掣。
.
在Arduino的開關掣理念跟家中電燈的開關有點不同，家中的是把電線Cut斷再用開關撘通，但如果Arduino都用同一個方法，倒不如用電拖板的開關便算，而且你想想，如果我有3組燈在3個不同的Pin，今天我想按開關會三組燈都著晒，明天想改為只開二組，後天想改為一組，那要天天又剪線又駁線嗎？
.
所以Arduino改用程式碼去操控，如果程式偵測到開關掣通電，便比訊息Pin 1或Pin 2或者Pin 1,2,3同時著燈，那你每天只改一改少少程式碼便OK了，很方便吧.
.
先來一個懶人包吧，懶人們可以依照圖一連接LED和開閉掣，然後把下邊的Code上傳便立即可使用了。
.

.
附上接線圖
.
---------------程式碼如下------------
int ledPin = 13;
const int buttonPin = 2;
int buttonState = 0;
void setup() {
pinMode(ledPin, OUTPUT);
pinMode(buttonPin, INPUT);
}
void loop() {
buttonState = digitalRead(buttonPin);
if (buttonState == HIGH){
digitalWrite(ledPin, HIGH);
delay(1000);
digitalWrite(ledPin, LOW);
delay(1000);
}
else{
digitalWrite(ledPin, LOW);
}
}
----------------------完----------------------
.
大家有留意到跟之前06編有什麼地方不同嗎？細心對比一下，你會發現多了:-
.
const int buttonPin = 2; <—這句意思是告訴底板現在有一個按鈕用了2號窿窿
.
int buttonState = 0; <— 比一個初始值佢，由0開始同埋0先代表熄燈
.
pinMode(buttonPin, INPUT); <— pinMode前一章講過了，係話比底板知，呢個窿窿係做輸出定輸入？
.
buttonState = digitalRead(buttonPin); <— 呢句係定義乜係buttonState? 原來ButtonState = 利用digitalRead (呢個指令係叫底板去讀一下而家個Pin咩情況) 去讀取 2 號窿窿嘅狀態
.
if (buttonState == HIGH){ <— 今次用了新野，就係 if …. else …. 即係如果 ButtonState == HIGH (==代表絕對等如) 便執行下邊間歇閃燈的動作，else 代表反之，便執行熄燈(用LOW去叫佢Cut電)的動作
.
好了，去到呢一編，大家可以把舊的模型，將3mm LED改做SMD貼片式LED，然後放入高達個頭裡邊，試下令佢眼仔會間歇閃燈吧，當係練習練習。