Facebook 遊戲推介+心得--FPS《Critical Ops》

EdwardLam

        大家好!
        前排我玩緊Dead Trigger 2既時候,發現到一隻唔錯既Facebook FPS(第一身射擊)game.
相信大家都知我玩過唔少Facebook遊戲, 搵到正野就當然介紹大家一齊玩啦.
呢隻遊戲同好多較傳統既CS好似,都係以反恐戰爭為背景.
模式係分成Terrorist同Counter Terrorist兩隊,  隨機一個恐怖份子負責渣炸彈.
入場可以自己揀隊入, 或者做觀戰者周圍睇風景, 食花生都得.
每回合大慨有2分鐘(好似好短, 同其他射擊game唔同),
每回合開頭可以喺自己基地撳"B"掣開商店買武器&道具,
左下角顯示HP值同埋護甲(原設都係100),
而有啲強力武器可以秒殺人,  所以玩家好容易會死.(我啱啱開始玩就係成日死,殺唔到敵)
有小地圖睇,甚至可以知道其他玩家既位置.每個場景通常有A,B區俾恐怖份子裝炸彈.
場景係歐洲既街道,好靚好有特色,整得幾有心機, 畫質方面都唔錯.
              從頭先既描述(短暫既交戰時間&容易死既設定),
大家應該都知道呢隻遊戲既戰鬥係好急速兼刺激,好考玩家個人既反應同埋策略.
基本上只要伏擊到人就可以秒殺佢,  玩家除咗要時刻警戎, 小心被敵人伏之餘,
亦都可以學下偷襲人.(我啱啱玩已經成日被敵人秒殺,可想而知連新手都要學暗算)
以下係我俾大家玩呢隻game既貼士:
1.企死角(揀個易伏人但又難被敵人暗算既位黎"踎")
無錯呢隻game踎係好重要,無論係take緊cover定係潛行最好都撳實個"Ctrl"掣,踎住慢慢郁.

2.遇到敵人掟煙霧彈要退後搵掩護
退常敵人掟煙霧彈一係著草,  一係就準備埋伏.
呢隻game啲煙霧咁濃, 完全睇唔清條通道, 好易中伏.
我試過用手槍追住敵人打咗幾槍,跟住條友轉角走咗, 條路仲放咗煙霧.
之後我搵唔番佢,仲要無幾耐就死==.