Red Alert2 蘇聯"首都之辱"攻略

EdwardLam

喺分享心得前先交代番少少劇情:
黎到呢關,蘇聯既幹部內鬥開始白熱化.上一關講到元首垂死(被尤里操控),而將軍就背負住叛國既罪名潛逃咗去白宮.
而主角就被尤里派去美國捉大將軍(即係跨境"執"法)
所以呢一關既場景都係喺美國,不過敵人就主要都係蘇聯軍(有紅色同紫色),而唔係盟軍^^
呢一關既目標喺地圖既右上角,地圖上面有好豐富既天然資源(礦場&"隱藏"咗既補給木箱),
地圖既中間係敵人既礦場(有3個紫色礦廠),左下角有好多隱藏咗既正野(大家記住咪走雞).
一開始開好基地後會有2波敵人黎(多數係跟隨"叛徒"既蘇聯傘兵/步兵),用一開始俾既輻射兵就可以輕鬆解決.
跟住一定要起礦廠,兩三座電廠同埋戰車工廠.跟住起幾部V2火箭車就可以狂起天啟坦克.
另外敵人有時會派啲乞人憎既蜘蛛&磁爆步兵過黎,一定要用坦克射爆啲蜘蛛,如果射慢咗啲蜘蛛會撲過黎寄生喺坦克,
到時只能夠強行射爆自己既坦克.
練好坦克之後可以先進攻.地圖既下方/基地既右方過咗條橋就係敵人既細基地,有磁爆線圈要留意.
用V2火箭離遠炸咗啲磁爆線圈,跟住一定要用天啟坦克守好條橋(或者你繼續用V2火箭強制炸斷條橋都得,
因為敵人會派一大堆坦克過黎反擊.
搞掂好嗰個基地之後下方有條橋仔可以派工程師修理,跟住帶坦克落去左下角嗰塊島仔(要小心有防空坦克同一架坦克),
清埋嗰個小小基地之後有大把補給箱執:首先有一排貨車,跟住後要仲有個建築,拆完佢地會跌木箱.
執好啲戰利品就可以上番黎.
跟住要小心敵人會派一隊磁爆步兵黎針對我地架礦車,可以帶番隊坦克番去回防.
另外留意蘇聯既礦車除咗厚血,高防,識自動回血之外,仲有枝射程遠過磁爆兵啲電既機槍,
只要一路後退,一路向逐隻逐隻磁爆步兵掃爆,應該唔成問題.
地圖中央除咗係敵人既礦場之外仲有一座地標(一棟高高既尖塔),附近由駐紮咗既美國大兵包圍.
用輻射兵解決美國大兵之後炸咗棟塔又有兩個補給箱執xD.
黎到呢到要開始小心敵人既蜘蛛.之後會有幾波既蜘蛛.
敵人既礦廠左上角有重兵把守(一堆防空坦克同磁爆步兵),建議玩家無一定量既天啟坦克唔好謬謬然打住,
或者你可以用V2火箭磨一陣先.
敵人既(右上角)大本營由啡色圍牆包圍住(可以用坦克炮輕鬆拆嗰啲圍牆),下方仲有兩座磁爆線圈.
大家喺練好天啟坦克之後可以從左右兩邊大舉進攻.
其實大部分既敵人都可以輕鬆解決,包括磁爆線圈.呢一關唯一終極既難位就係有2架敵方既3柴天啟坦克,
(我試過用一架3柴天啟坦克同佢嗰架紫色既3柴坦克打,根本次次都輸,亦即係話佢既3柴天啟勁過我地既3柴天啟)
清好場之後就用工程師佔領白宫.


然之後...個目標將軍就"被失蹤"喇,係咪好刺激呢~
tips:
1.呢關既補給箱都係要打爆啲關鍵建築物(例如左上角間館)先可以攞到,
各位不妨喺練坦克既時候拆哂啲建築物,可能有好多錢執/升3柴/+速/+防/+攻
2.V2火箭由發射到擊中需要約3秒時間,如果係要打移動緊既目標,玩家可能要順住敵人既預估路線,
強制攻擊大慨距離敵人1/3個畫面既地下.
3.敵人既防空設施可能會攔截V2火箭,不過就算喺空中爆都可以對敵人造成傷害.
建議優先打停泊緊既防空車同埋敵方建築(尤其係炮塔)