Red Alert2 蘇聯"超時空防禦戰"攻略

EdwardLam

呢關真係唔容易,惟一既任務目標就係守好蘇聯既科技中心之類既建築,跟住要面對好幾波用超時空轉移過黎既敵人.基地有3個出入口(左,右&下方既大缺口),上方座山丘係礦場.敵方間諜通常會由右方入口潛入(間碟唔聽玩家命令)
一開始下面有個盟軍既狙擊手(可以遠距離秒殺人)同一班美國大兵,先用一開始有既狗同動員兵纖滅佢地再回防.

基地建設方面首先要起一座防空炮喺基地既中間位左右抵禦跟住落黎敵方既飛行部隊,跟住仲有礦廠.
另外要派3個工程師去佔領基地右方盡頭既油井,油井係初期既收入來源,之後會有飛行兵黎拆油井)
(維修場唔使佔領,因為之後要用既單位主要都識自己回血,而且無可能送到佢地去維修又返番黎(基地無時無刻都要死守))
之後要起戰車廠,要用大量天啟坦克.防禦方面擺兩枝磁爆線圈(一枝喺右邊,一枝喺下方),鍾意既可以起下圍牆.


除咗天啟坦克之外,仲要約5隻防空兵(火箭炮兵)同埋少少磁爆步兵擺喺線圈附近叉電.
天啟坦克我擺咗2-3架喺左邊入口,~2架喺中間上方,~2架喺右邊入口同埋~3架喺下面,另外仲有少少喺基地中周圍調.
防空兵擺喺左下角.以上既天啟坦克基本上唔會死,仲會一路穩守慢慢升下level咁(我有一兩隻防空兵都3柴).
不過千其唔好掉以輕心,敵方既光棱坦克好鍾意從右方進攻.由於光棱坦克既射程遠,你要經常留意下右方,
要人手命令天啟坦克打光棱坦克.(如果唔係你啲天啟會因為射程差既關係慢慢被磨死)
右方既間碟擺一隻狗仔看門口就可以輕鬆解決,(分辨間碟既方法係撳落去叫佢行睇佢行唔行).
基地中間唔中會有兩架導彈車spawn出黎喺右邊,有磁爆線圈同駐喺度既天啟亦都唔成問題.
重點係最後一波,敵人既飛機有機會毀滅玩家既科技中心(如果食正~5次爆炸),所以一定要定期save,
有咩唔對路load過.另外敵人會無啦啦湧咗堆工程師&運兵車過黎,一定要調天啟纖滅佢地.
如果科技中心俾敵方工程師佔據一樣會輸(我自己破關前就俾佢霸咗個礦廠同軍營(雕像))
最後一波會有好多坦克,大家做定心理準備.先用左方既3架坦克同炮兵守左方,再守下方&右方.
基地中既天啟坦克要周圍調防.
注意:呢關要起大量既電廠(反應堆?)(大慨3座),如果唔夠電會用唔到雷達同磁爆線圈.
p.s.呢啲就係我破關既畫面(一樣係無哂錢咁濟+乜都起唔到)

不過我用咗唔夠23分鐘就破關^^