其實蘇聯線初期真係好易, 因為資源豐富, 有好多礦場同木補給箱. 不過要重兵駐守生財工具,
因為敵人好鍾意針對我地既礦車同礦廠(同我玩盟軍一樣,不過蘇聯既礦車有機槍)
主要用到既兵種都係動員兵,因為佢地又平, 生產速度又快, 攻擊力都唔差, 好值得量產.
除咗之後因為要面對飛行兵同飛機而整防空單位之外, 基本上陸戰淨係起動員兵都ok.
動員兵雖然唔可以好似美國大兵咁定喺度起機槍黎加攻加距離, 但係平均能力睇落比美國大兵高少少.
我建議其他玩家善用建築物, 因為大部分以陸戰為主既蘇聯關卡都有好多建築物俾玩家佔領.
佔領左之後就算被敵人攻擊都只係扣建築物既HP,低過紅色既時候啲兵仔會自動放棄建築.
每佔領一棟新既建築先消滅咗附近可以打既敵人,清好場再去佔領下一棟建築物, 順住推進.
另外玩家亦都可以善用油桶,好多敵方既重要目標都係好白痴咁喺油桶附近,只要射爆油桶就易打好多.
呢關應該係第一次真正既海戰(之前嗰啲起好造船廠之後起少少潛艇已經夠,無乜重點)
呢關都係有好多資源,淨係基地嗰個群島已經有好多金同寶石礦,所以錢方面唔成問題,
唯一要注意特別守好礦場(真係要擺好哂啲部隊喺隔離,啲敵人會無啦啦閃出黎突襲礦場).
而地圖最左邊嗰個島就有一座傘兵基地,可以用一開始嗰兩隻艇運啲部隊同工程師去佔領.
增援黎到之後將海軍集結喺下面造船廠左邊,記住一定要守住造船廠,所有受損既船都可以喺度維修.
而敵人會千方百計咁走黎拆造船廠,仲有好多航空母艦,所以一定要起番多啲防空船(蠍?),同潛艇差唔多.
佢俾你嗰三隻射到導彈既船好有用,可以遠距離射導彈,高攻,你只要留到兩隻就無問題.
儲夠船就可以大舉進攻,呢關既目標係喺中間既主島,有多麻煩既海防設施(例如光棱塔會射你啲近岸既船)
啲光棱坦克對海軍既威脅唔大,用頭先既大導彈艦就可以輕鬆解決,跟住要先射防空坦克附近既油桶,
因為佢會攔截我地既火箭.同時用其他船駛入主島中間個海口,跟住就唔知點解贏咗Lu~
|