Facebook 遊戲推介 -- 戰機,3D《Delta Strike : First Assault》

EdwardLam

最近,我又喺Facebook度搵到好game推介俾大家: 《Delta Strike : First Assault》

小弟無論玩乜野game都唔太鍾意用戰機(雖然戰機睇落好型), 原因係我唔擅長駕馭戰機,
成日都炒機(基本上每次渣戰機最後都係炒)好多遊戲入面戰機輕輕掂到其他野都會自爆.
咁啱我又搵到集戰機game黎玩,練下駕駛技術.

Delta Strike : First Assault入面有好多款戰機俾玩家揀,仲有3種色調可以配,外形選擇絕對豐富.
另外仲有唔同既技能可以學(我就學咗個可以反側架機既技能,好好用)

武器都係嗰兩樣:機槍同導彈.(用mouse&keyboard既分別係撳spacebar同滑鼠中間粒滾輪)
呢隻game入面既導彈係自動追蹤目標,基本上有紅色圈圈Lock住都必中,
唔使理瞄準既問題,不過就有導彈上限,每舖只可以用2(每次upgrade可以再加2枚)導彈.
而機槍就無彈藥方面既限制(由頭掃射掃到尾都得,upgrade咗之後仲可以升射速),
為咗節省導彈同練習邊渣戰機邊瞄準,我都經常用機槍.
每關既目標都係飛到終點,等個圈縮入黎x之後撳x投擲炸彈.

玩家途中會遇到唔少障礙物(e.g.雷射電網,射手,燈柱,etc.),如果只係輕輕擦過就只係機翼着火,
但係如果直接撞落啲野度就真係game over.着火着得多都會爆,但係可以飛過一啲噴水裝置黎滅火.
另外有唔少敵人既載具可以用玩家既武器摧毀(爽).不過要小心唔撞落啲殘骸度.
(平時明明射爆架直昇機佢都仲要浮喺半空擋住哂

希望大家可以從呢隻game中訓練到渣戰機.