單打新手求救！！！

pcsing

是咁的~小弟因早前聽聞gundum breaker 2 幾好挽~於是我就狗沖左去買部psv同隻gundum breaker 2挽下~因為小弟本身比較中意單打獨鬥，所以無諗住同啲fd挽，諗住可以自己隻身完game~點知一開始啲兵仔隻隻都就好似無雙啲boss咁！打到我hihi~當我打完space之後~滿頭汗水既我終於上左岸~諗住之後一啲都難唔到我，點知一打到模型店12......我直程感受到一個打曬全世界既感覺，一開波都叫正常~只係啲炮機會秒你=)呢樣我都接受到~好！算數~唯有重生再打~點知我撐到第二波~我開始懷疑自己係咪打緊無雙既修羅模式！一連二接既圍毆同秒殺~我感受無比既歡樂。。。我眼望住我既血汗機好似比人打靶咁打，我瞬間絕望。。。我第一次慘輸，跟著我死唔信邪再打多一次~又輸，我想問問各位挽緊gundum breaker 2既玩家係咪都連線同人玩定係單打獨鬥？！若果你係單打獨鬥既高手可唔可以教下我應該點打呀！？

Eli

單打冇問題, 不過打打下你會發覺唔夠打, 其實要刷零件, 即係同一關要打好多次, 儲下錢同執零件, 我地網站有好多零件資料, 你可以睇睇, 當你架機勁左, 就發覺敵人易打好多.
當然同朋友打, 佢高lv 帶你升, 你會易打d 的. 不過單打都可以爆機. 努力呀~~~

Spaghetti-Even

其實Gundam到後期除非真係練到好勁
如果唔係唔玩多人真係搞唔掂
我自己開頭都係無fd所以單打,之後都變左玩多人

pcsing

我本身都比較中意單打多啲~跟據二樓既講法只可以講目前既我除左刷同刷就應該無其他方法==好啦～咁我就刷多啲s幣升lv啦～