有無D咩武器係好高攻/好用?

ykchau

睇下打咩怪, 好似打變種人, 用雷射槍打極都唔入, 但轉用實彈槍就好好多. 散彈其實無咩用, 超近距離效果先明顯

如果想通用一把比較好用既, 我覺得用大彈閘突擊步槍唔錯, 射程1XX左右, 近距離瞄準器, 射速快可以壓制對手, 等佢無得郁.
如果狙擊既我都係用一把 .50 鐵管 手動, LOAD彈係好慢, 但搭配潛行技1~2槍就可以收人皮.
打屍鬼用齒鋸一流, 開住把鋸D屍鬼自己衝埋黎送死.

特別推介一把獨一武器, 你打凱伯宅邸個任務最後要你揀要槍定要藥, 我揀要左把文物槍, 呢把係唯一一把可以打穿牆既槍, 同埋可以震到敵人停左甚至彈開, 唔好睇佢數值好低 (我果把改埋帶電, 71攻, 115電, 57幅射) 但因為佢個衝擊波爆全身, 打一槍所有部位都會中, 其實都好可觀, 用佢打巨獸, 泥沼蟹一流(可以剥埋個殼), 但可惜係用伽瑪彈, 同埋唔可以近打, 因為會連自己都打瓜埋.