Agar.io 分裂戰術分享

EdwardLam

最近玩Agar.io,有少少關於分裂既戰術想同大家分享.
喺Agar.io入面,有撳spacebar分裂同埋撳W掣分裂.
撳spacebar分裂係將原本既圈分裂成兩個面積一樣既圈(1分2,2分4)
而撳W分裂就係從原本既圈釋放少部分面積(細圈)出黎作為養分.
當然仲有食到綠色毒瘤造成既分裂.
Spacebar分裂-射擊&吞噬:
由於分裂既瞬間分裂出黎嗰個圈會極速移動一定距離,加上分裂出黎既圈越細行得越快,
容易食到細既玩家圈(前提係你原來既體積要大過目標獵物既兩倍體積+距離夠近)
-速逃
俾大件敵人追殺既時候可以放棄一部分既面積,迅速逃離(原理同上)
W分裂-增大毒瘤
呢樣野可能好多人唔知,向毒瘤射圈圈係可以餵大毒瘤,作為防禦大型敵人既天然屏障.
-幫隊友提供養分
喺團體戰入面,向較大既隊友提供養分,貢獻自己隊,好有意義
P.S.平時唔好狂分裂,因為分裂得多每粒圈就會好細,容易俾人逐個逐個食哂.
用兩粒食野已經夠好