Red Alert 2-盟軍-暗夜攻略

EdwardLam

呢關目標係要先派間諜潛入實驗室,再拆兩座核彈.(當然唔可以俾譚雅死啦)主要敵人分兩種:1.蘇聯狗(間諜既偽裝對共狗無效,而且一咬就秒殺)用譚雅離遠射死佢地就無事.
2.磁爆線圈(中兩下即死)派間諜潛入發電廠可以暫停周圍既磁爆線圈運作(~1分鐘)
一開始會有3個間諜,撳完佢地再撳一下敵人,佢地就會偽裝成你揀既敵人兵種.

一開始用譚雅喺森林附近開路,清場(殺哂所有步兵/蘇狗),護送間諜佔發電廠.
然後計啱時間,等發電廠周圍既狗散開先派間諜入發電廠.
即刻用譚雅殺哂最前嗰排磁爆線圈附近既守衛,然後炸哂嗰兩座磁爆線圈.
跟住就可以用其他間諜潛入實驗室,不過我想清哂場先(重覆頭先既步驟輪流殺敵,癱瘓磁爆線圈,拆建築物)
入咗實驗室之後地圖會延伸,最頂同埋最頂靠左分別有兩座敵方基地.
連接最頂嗰塊地有條橋,橋上面有少少守衛,最好離遠射死佢地先
(譚雅識游水,先去左邊都得)
之後用番頭先既方法派間諜潛入當地既發電廠就可以癱瘓成座基地既磁爆線圈,
慢慢用譚雅推進就得(同間諜互相掩護)或者直接用新加入既部隊強攻.
其他tips:
1.本關有唔同人質/隊友可以救,解放咗之後佢地會幫到手
(e.g.一開始用譚雅去基地前左手邊條梯度殺兩個守衛,嗰度困住咗3隻牛,
用譚雅炸咗個籠,嗰3隻牛就會加入我地隊,可以幫我地開路,現地圖;

跟住開咗地圖後用譚雅靠左推進,行前少少會有啲隊友被困,
用頭先個方法救佢地,可以得到一架3柴坦克同少少步兵
(聽網友講小路仲有工程師,可以幫我地手佔領核彈發射井去射另一個核彈發射井))
2.善用譚雅既放炸彈技,射程同回復力
譚雅可以遠距離(喺佢地未襲擊到譚雅前)秒殺大部分兵種,但要遠離磁爆線圈
萬一被磁爆線圈電親可以即刻縮去後面回血(或者即刻衝埋去放炸彈)
3.油桶
好多油桶都好好用,除咗可以要黎幫隊友解鎖籠之外,亦都可以破壞其他附近建築物
(炸開牆方便通行,炸爛磁爆線圈),另外敵人靠近爆炸會着住火燒死
p.s.呢關本身好易過,順手剝埋敵人光豬,慢咗標準時間半分鐘左右

GameplayHK俊

RA2真係好正架~