Gangstar Vegas全攻略

EdwardLam

基本移動操作:
郁左下角既虛擬搖捍黎行,向同一個方向拖搖捍緩步跑.撳右下角"衝刺:掣跑/爬/跳過障礙物/跳過空隙.
喺screen(無掣撳既任何位置)上郁轉視點,double click個screen重置視點.
瞄準:撳落去一個人/一架載具可以將佢lock住,set做target.
唔撳既話,系統會幫你揀最大威脅既敵人做目標.
迷你地圖:
左上角既迷你地圖會顥示附近既建築物/地形,敵人位置(紅點,警察藍點),
警察通緝圈,標記位置,任務位置同埋室內地點位置.
消耗品:
消耗品可以喺"商店"度買到.裝備咗之後撳落個圖示就可以用.(未裝備會自動去"商店"畫面叫你買)
(血包(補滿血)喺左上角幅細地圖既左下方,護甲包(補滿防)喺左上角幅細地圖既右下方.
投擲類武器(e.g.手榴彈,燃燒彈)個圖示喺畫面右下方("衝刺"既下方,"攻擊"既右方,裝備咗先會出現)
維修包(補滿駕駛緊既載具既防禦力)既圖示喺左上角幅細地圖既右方偏下(要渣緊載具時先見到)
降落傘(減漫高處墮下時既速度)個圖示喺畫面右下方(要從高處墮下時先有)
攻擊:
瞄準咗目標後撳/撳實右下角既"攻擊"掣攻擊目標.
拳頭/近戰武器:撳-快擊,撳實(儲滿上面條bar)-重擊
遠程:撳-射擊(較高命中率),撳實-掃射(較低命中率)
右上角個武器圖示會顯示彈藥量,撳落去會入"商店"
滑/撳隔離啲箭咀-切換武器
(單持手槍/衝鋒槍可從車,摩托車/船上射擊)
掩護:
靠近掩護時撳"掩護"掣take cover.
(掩護唔等於無敵,只要中槍/被爆炸波及一樣會扣血,被人用近戰打時仲會自動離開掩體)
操作:
可以喺"操作"menu可以開"感應"(用你部機當Wii咁玩),之後調較"操作靈敏度"
載具操作:
車-撳箭咀/左右搖桿控制左右,腳踏/上下點控制前後
刹車+轉向=飄移
摩托車-拖動虛擬搖桿令摩托車向一側傾斜.
向後傾+油門=前輪離地
向前傾+刹掣=後輪離地
油門+刹車=燒胎(低速)
刹車+轉向=飄移
直昇機-拖虛擬搖桿控制傾斜,箭頭控制高度
飛機-拖虛擬搖桿控制傾斜,上下桿控制動力,((喺地面上)可以倒後)
Hyvel/UFO/美國國慶戰機-右上角左右桿喺直昇機同飛機模式間切換)
任務:
可以喺"快速遊戲"直接做任務,或者喺"地圖"/城市入面既標記接任務.
做任務可以攞錢,經驗值.(有時仲會有鑽石/其他獎勵),任務分劇情任同挑戰任兩種.
*任務要達到一定既level先可以接,唔同任有唔同等級要求.
劇情任-多CG,有連貫性,故事豐富.
*劇情任輸咗可以喺最近既check point restart.
(暫時有3種劇情任:主線,UFO&惡魔)
挑戰任-分4個星級,攞到越多星就有越多錢同經驗值.
以4星完成任務可以解鎖一個區域,稱霸成個地區仲可以獲得獨特既獎品添.
賭場遊戲(21點):
21點既玩法係儘量攞到21點/比對手更接近21點,超過21點會輸.
輸-失去你落既注.贏-攞2倍注.
2-10既點數分別係2-10,J,Q&K既點數係10,A既點數係1/11.
你可以揀要牌(攞多張)/停牌(唔再要牌),攞到啱啱好21點就無得再要牌.(你已經贏咗jackpot)
全下-賭哂全部籌碼(最高落$10000注)
加倍-再發多張,然後停牌.(如果你贏咗,就有雙倍獎勵)
分牌-如果你有兩張點數相同既牌可以以相等既賭注同時玩兩邊.(分牌後只會再派一張牌)
*莊家(對手)喺未夠18點時一定會要牌
賭場遊戲(老虎機):
老虎機有3個滾輪,上面有一set圖案.如果圖案排成特定組合你就贏.
*最高落$500注,最高贏$75000(頭獎3個"7")
*初期會狂輸,之後呢排先多機會贏
賭場遊戲(電子撲克)
撲克既組合決定你攞到既錢.你會有五張牌,目標係組成一set靚既排列,你有一次機會洗走唔要既牌)
對子-有兩張人頭牌(J,Q,K/A)
兩對-兩set數字相同既牌
順子-數字相連但花色不同既5張牌
三條-三張數字相同既牌
同花-五張同花色但數字唔連既牌
葫蘆-三條+兩張數字相同既牌
四條-四張數字相同既牌
同花順-數字相連兼花色相同既5張牌
皇花順(頭獎)-相同花色既10,J,Q,K,A