Until dawn《直到黎明》補充資料

EdwardLam

1.真兇
遊戲初期喺大屋入面發生既所有野都係約書亞("殺人狂")搞出黎.
所以喺大屋周圍既人（Sam,Chris&Ashley）喺前期係無論點都唔會死,所有怪野都只係一個玩過火既「惡作劇」.
但係喺後期怪物真正出現,每個人都有機會被獵殺(前期捉走阿Jessica,中期整冧瞭望塔嗰啲就係溫迪戈),先至係呢隻game既"真兇".
2.關於溫迪戈
簡介:「溫迪戈」(我覺得好似《魔戎》入面既咕嚕)係美洲原住民傳說中既怪物.
喺遊戲入面收集線索（1952年）就可以得知呢啲怪既來源同埋嗰座山既歷史.
傳說:只要喺呢座山上面進行人食人既行為,就會被封印喺山中既邪靈附身,最終變成溫迪戈呢種怪物.
特徵:溫迪戈既爪牙非常銳利,皮膚超堅(根本就係骷髏馬裝甲==),完全刀槍不入.
佢地會襲擊山上既遊人,而且唔會即時秒殺,而係每次活生生咁拎走一件內臟
喺1952年,呢座山發生過礦坑崩塌既事故,當時受困嗰啲礦工為咗生存而食咗一部分既隊友(類似TVB啲劇情).之後剩低嗰班倖存者被救出並接受治療,
但係負責既醫護人員發現呢啲病人出現咗異變(生銳利既爪牙&硬皮),仲有襲擊啲醫護人員,佢地最後都變哂做溫迪戈.
弱點:可以用霰彈打停/擊退,用火焰徹底殺死(類似The Evil Within既蜘蛛女)
3.關於附身溫迪戈既邪靈
簡介:當年開礦時被解封,放哂出黎.仲要好衰唔衰班礦工人食人(附身變溫迪戈既先決條件).
雖然火殺得死溫迪戈,但亦都會令邪靈失去可附既身體,繼續搵下個宿主.
只要有人互食就有可能會被附身而變成溫迪戈(燒死溫迪戈之後出現既火焰鬼樣就係邪靈).
4.關於Hannah同Beth
序章入面"跌死"嗰兩姐妹--漢娜貝絲(華盛頓家族),收集線索（雙胞胎姊妹線）就可以得知去年件事既後續:
漢娜跌咗落去之後無即時死,但係一直都饑寒交逼,最後忍唔住食咗貝絲之後變成咗遊戲中主要既溫迪戈.
5.前期靈異現像
所有前期喺大屋度發生既靈異現象都係約書亞利用各種機關&電影道具整成既把戲.
e.g.第一次二揀一時一定係約書亞"死",(約書亞用公仔整到好似自己咁,再喺窿度伸個頭出黎.
詐死既屍體係用豬內臟整既.
自動點火既蠟燭係用電黎自動點著.
碟仙根本就係約書亞自己郁+震檯.
6.燈塔冧咗之後既黑影&信號彈蝴蝶效應
瞭望塔冧咗之後,馬修喺礦坑度可能會被溫迪戈襲擊（拖走佢既黑影）,如果之前將信號槍（有火）交俾馬修,馬修有機會殺咗隻怪.
(頭先提過溫迪戈既弱點就係火)
關於信號彈觸發既蝴蝶效應:信號彈只有一飛,用完就無.
一開始Emily喺瞭望塔頂搵電力開關時可以攞到信號槍.
(要開咗電先,如果唔係就算你選擇俾把信號槍馬修都無用(根本無電))
座塔冧咗之後,可以揀堅持(兩次)救Emily,或者唔理佢直接跳到安全地方.
救Emily最後會因為跑得慢而跌落下面,馬修會被"黑影"襲擊,身上如果有把用得既信號槍就可以觸發瞄準射擊既QTE,
成功既話馬修就唔會死(如果唔係佢會被野插穿而死).直接跳落安全地方既話會skip哂啱啱啲劇情.
(馬修唔會遇到黑影,直接跳去後期(戲份咁少...唔怪得之要做兵啦XD)

chrismarston123

介紹得好詳細,不過溫迪戈仲有兩樣特徵,眼係奶白色同淨睇到郁既野、類似青蛙既視覺