Life is Strange 新手教學

EdwardLam

先講基本操作:
同其他互動式電影遊戲一樣,WASD分別係前左後右,Mouse互動(揀選項).
撳住Shift跑/急步行,撳Tab開日誌,撳住Ctrl番去上一個選擇行為既時間.
物件互動:可以互動既物品上面會有鉛筆effect,撳實mouse左掣拖去互動.p.s.開呢隻game之前請先熄哂你既輸入法(倉頡,速成,九宮,etc.)如果唔係會撳唔到某啲掣.
時光倒流:撳住mouse右掣開技,同時撳實Shift加速倒流.
日誌介面:
左上角有5個標籤.第一個標籤係主角既日記,頭嗰8頁算係交代咗遊戲既背景,
跟住隨著劇情既發展會慢慢update.當前既任務(如果你有接既話)亦都會喺呢個標籤度顯示.
第二個標籤係人物,關於你喺遊戲中遇到既人物既檔案會喺呢度update.
(上面有啲類似証件相既人物頭像profile)
第三part係成隻game既亮點之一,收錄左每一章既照片收集要素.(要玩盡啲緊係儲齊佢啦)
圖上面會顯示點樣先至可以觸發到呢啲拍攝條件,當你搵到目標之後影到既相就會換上去.
p.s.有啲相係要同小動物/人物互動先影到(e.g.用食物去引誘松鼠,揀某啲選項令其他人出醜)
第四個標籤係記錄檔案,你喺某啲場景入面見到/睇過既照片,海報,單張之類都會記錄低喺度.
而最後一個標籤係手機messages,對交代劇情有幫助.(你會知道Warren暗戀主角,仲成日提佢)

場景切換畫面:
如果喺當前既場景你仲有重要劇情/任務未觸發/做就會唔可以離開某個特定範圍.
行埋去場景切換位個提示係灰色既.完成之後就變白色,撳mouse左掣走人.
遊戲提示:
左上角出現蝴蝶代表你既選擇將會對之後既劇情造成影響(蝴蝶係呢隻game入面既關健符號,
象徵蝴蝶效應),亦即係走入劇情分支位.不過因為主角有時空倒流的能力,所以如果不滿意/擔心後果,
可以倒回去重選.但只可以喺當前既場景有效,離開了劇情分支既場景就唔可以再時光倒流.