我係新手玩GTA Online, 第一次玩到lag機搞到死咗都唔知乜事, 響醫院出黎, 幾秒即刻被人射死咗, 來回咁樣被同1個人咁樣殺咗8次, 但係又唔敢出去殺其他人, 我得嗰1 level, 由開始玩冇幾耐, 黎黎去去都係被佢摳, 連level 2都未升唔到, 轉個頭又笑我係澳門人(有咩好笑?) 次次我出醫院就殺我, 我玩咗成粒幾兩粒鐘, 除咗開始嗰1個鐘我偷咗架車, 避cops避到200分之外, 就係被佢殺, 我響個醫院門口連槍都未攞出黎就被佢殺, 大佬, 唔使玩啦, 為咗升level咁自私, 睇住個計分牌由 1 vs 0 一直去到 8 vs 0, 可能你地而家話緊我小學雞, 唔識玩學人玩(我十分之肯肯定有人會咁講, 但係我係連槍都未攞就已經被人鋸咗呀) 我個人純粹覺得呢個人好Q無品, 唔敢打其他人就打個連武器都攞唔切嘅黎升level
|