|
貨品技巧:
1.非VIP其實係可以攞到VIP道具/武器,只不過唔可以用正常途徑喺商店用錢/鑽石買VIP道具/武器,但其他方法唔會有VIP限制:
i.喺街上執
ii.開箱抽
iii.賽事贏番黎
iv.用低級野去當舖合成高級野
![]()
2.交付即係將自己買咗番黎既載具call出黎,每次都要另外俾錢,不過啱啱獲得既載具就可以免費交付,所以每次拎到新載具記得渣出黎試下先喇.
3.啱啱拎番黎既武器通常都係滿彈,之後要自己買子彈,記得唔好撳錯掣買多把武器,唔夠彈最好用其他武器取代住先
4.開朋友清單可以送禮物俾朋友(將自己既貨品轉贈,送咗之後就會失去嗰件貨品),建議第一次淨係按要求送件最普通既道具攞咗個獎盃就算.
駕駛技巧:
1.渣船時撳好耐剎掣都會繼續漂,建議搵野卡住架船先落船,唔係既話架船可能會漂到好遠
2.渣車既時候同時撳倒後+左/右就可以漂移
3.飛車同埋撞到郊區啲石會好傷架車,我試過架車一着地就即爆
4.車同車相撞時其中一架車有可能會壓住另一架車;
而軍用坦克車有一個特別技能就係當佢壓住另一架車時可以直接摧毀(壓扁)嗰架車.
正常車毀滅過程:完整-(受傷)->噴煙-(繼續受傷)->着火(呢個時候左上方既維修包會閃下閃下,代表你架車就黎爆)-(自動,受傷可以加速)->爆炸->變廢鐵
而坦克壓住另一架車時,嗰架車skip哂噴煙-爆炸既steps,直接變成扁咗既廢鐵
5.渣車時要好高速先至可以撞低一棵樹,撞完之後會大大減速
6.Hyvel同埋美國特別版戰機可以撳右上角切換直昇機<->飛機模式,亦即係話呢啲戰機可以垂直升降(慢啲),亦可以就咁飛行(快啲)
7.高速撞落人地架電單車/單車可以撞個騎士落車/直接殺咗佢
8.坦克嗰枝大炮真係可以提供反作用力落架坦克度,試過架坦克卡住咗喺啲草坪/欄杆度,向相反方向近距離狂發炮就可以炸番架坦克出黎.
近戰技巧:
1.一開始打敵人時盡量快速撳輕擊,因為重擊起手時間長,容易有破綻被敵人格檔甚至反擊.
2.狂打人可能會出combo(比平時打人既節奏快,會連續聽到"啪啪"聲),有時係連拳BUG,甚至手腳並用(望落好似跳舞咁扭黎扭去,旋踼)
3.打到咁上下等佢硬直(垂頭喪氣,失平衡)即刻補多下重擊可以慳番好多時間,唔使等佢倒地.
4.從高處墮下(可能淨係爬牆/跳樓梯都得)既過程中如果撞到其他人可以"扎"親佢,會令佢訓喺地(就好似Assasin's Creed入面既撲倒咁)
5.最好等多啲敵人聚埋一齊先用重擊,因為重擊係前方範圍技,可以一拳/一腳掃哂兩三個人.
其他戰鬥技巧:
1.室內同警察/軍佬困獸鬥時最好揀火焰噴射器+散彈近用
2.手槍&衝鋒槍可以喺普通車上面用
3.雙槍唔可以喺普通車上面用
4.雙槍既準確度比一把槍低
5.左輪,短筒散彈之類既舊式細槍準確度好低
6.扔完手榴彈之後即刻掉頭走
7.朝住成排敵人高速渣車,撞落去之前跳車走,架車會因為慣性自動剷落敵人度,最好揀架著緊火就黎爆既車,炒車嗰陣可以做炸彈.
8.近距離向敵人開狙擊槍描準時可以扑到佢倒地,再開一槍多數都可以秒殺.
9.當警車駛近(同你隔住咗一架車既距離"既時候向住架警車掟投擲類武器,按照大部分警察既AI應該會喺好近你既地方停車+落車,喺佢落車嗰陣粒炸彈啱啱好炸瓜佢.
10.唔建議喺室內用火箭炮/炸彈.好易喺你附近引爆GG
任務技巧:
1.停停走走用坦克狂發炮開路
2.攻擊任可以用載具,揀完一開始任務架載具就喺你附近,建議揀快嗰架Mojave jaw坦克/軍用直昇機
3.打刧任主要記逃亡路線,一路如非必要唔洗理敵人,向目標不斷跑就得.
4.打架記敵人出現既位置冋埋善用打架技巧
5.大部份賽車任都揀GL series/Dashcup series,一定要用電單車既話就揀265km/h嗰架.
6.生存任揀重型突擊步槍
7.送貨任揀飛行包,除咗一定要揀船之外
|
發表於 2015-7-10 00:39:27
收藏
