Life is Strange劇情重溫+攻略(第二章4)

EdwardLam

做完周圍啲支線野(對話&影相)之後終於入去Joyce(Chloe個阿媽)嗰間雙鯨餐廳.
一入到去,我地阿Max就慨嘆早餐既味道同銀製餐具碰撞既聲音令佢回想起佢13歲嗰陣.
餐廳前廊既牆壁有海報可以睇,然之後轉左又見到一位漁夫,佢戴咗頂美國cap帽,
坐喺度食緊雞蛋.同佢講野,Max問佢今日抓咗大怪未.
漁夫應,"如果你講既大野係指無既話,咁我今日抓到唔少,而家俾我哀悼我隻雞蛋啦~"
再行前會見到個著白衫既怪女士,佢既對話內容:
"你好呀~天氣唔錯,係咪?Oh yeah~今日將會係超級既日子.享受你既早餐"
(乜啲度啲人咁熱情嘅,好似好好歇咁...)
餐廳最左邊有賣香口膠隔離有3張傳單同1張海報,右手邊櫃檯有幾張明信片(小鎮風景,貓,etc.),上面掛咗件T shirt.
再行埋啲就入廁所,廁所牆上面有好多黑色塗鴉:
KATE MARSH LOVE U LONG TIME(Kate Marsh長時間愛你)
FLUSH BEFORE PISSING ON FLOOR(痾喺地之前沖廁)
ARCADIA GAY SUCKS DECK(海灣基吮甲皮)
RACHEL A. OWES ME A BJ(Rachael久我一條BJ)
鏡上面仲有白色既"FIRE WALK WITH ME"(火與我同行)塗鴉有得影相.
隔離有隻好似印落場咁整整既鹿仔塗鴉,同Max件衫上面嗰隻鹿一樣.
出番黎同人歇計,櫃檯最左邊個位有個男人叫做"杜德"(道德?),佢既對話內容:

你想要乜野?我感覺好似屎一樣,太多啤酒.唔好煩我,求下你.俾我一個人受苦."
跟住有個警察(之後同Max幾啱歇,未必係David嗰啲黑警)
Max,"Hello sir"
警察,"Hi, 年輕女士,你睇落有少少迷茫"
跟住我地有2個選項:1.餓喇,2.不
揀1,"只係肚餓同埋諗緊食咩"
警察,"嗰樣係個真問題喺雙鯨餐廳.我從來都未揀好--Joyce既南瓜批/烤芝士通心粉"
(呢個時候阿俊就話,"屎吖~食屎啱啊")
我地有3個選項:1.Joyce,2.Chloe,3.David("喂但係點解無嗰啲選項嘅喂")
揀3先,Max,"我估你係David Madsen既朋友"
警察,"我唔會用嗰個字眼,我地互相了解,點解你問?"
跟住我地有2個選項:1.只係好奇,2.佢有啲名望
(阿俊神回,"無~通常啲衰人呢都鍾意走埋一齊啫...佢eh應該無乜名望ge啲咁既黑人憎既人好奇問下你啦~")揀1,

Max,"只係好奇...我驚奇呢佢唔係Arcadia Bay既警官"
警察,"我尊重David,佢為國家服務.佢喺Blackwell搵到份工.喺站嗰度,我地都為David而家咁而感到開心...唔係個個都做到慈母"
跟住我地仲可以問埋淨低既Joyce同Chloe.
Max,"所以你識阿Chloe?"
警察,"傷心地我地個個都識阿Chloe,阿憐既Joyce.頭先聽講Chloe喺佢間房度收埋咗個毒販"(唉呀,阿俊掉轉咗啲人名潻,唔好篤爆呀XD"
跟住我地有3個選項:1.邊個話你聽?2.咁就唔好3.無咩大不了.
揀1,警察話,"我無喺警方監視器度聽到呢種講法.Joyce話大麻係屬於Chloe個朋友既.但係...我唔信"
Max,"Joyce無話你知係邊個咩?"
警察,"佢唔會,我驚我要去逮捕一啲人喇,就好似我以前會.我啱啱叫條失敗者離Chloe遠啲,如果唔係...哈哈只係講笑.
另外,David Madsen睇緊佢地.""佢係咪你個朋友?"
我地有2個選項:1.我識佢,2.唔係...
揀1,警察,"咁你知佢有麻煩"
我地又有2個選項:1.佢可能係,2.不
揀2,Max,"No,我估佢只係唔好彩啫"
警察,"你需要創造你自己既好運.我諗Chloe會寧願破壞.我係警察,唔係心理醫生.所以..."
我地淨番Joyce可以揀
Max,"你識阿Joyce幾多?"

警察,"我識佢既美食.呢個站入面每一個人都會黎呢度.我地當呢度係自己間廚房.Joyce就好似我地既母親."
Max,"我而家要走喇~享受你既早餐"
警察,"順帶提一提,我唯一可以確切咁話你知既就係離出面嗰架房車遠啲"
Max,"我通常都會離隨便亂咁泊既車遠啲"
警察,"聰明既政策.住喺入面嗰條友Frank本身都幾極品.我而家可以講既野就係咁多喇...我應該飲完我杯咖啡同埋去做野"
(乜你咁長氣嘅)

警察既右邊係兩個卡車司機.
第一個話,"我而家無心情講野,我要塞一堆野落肚度,係咁先~"
Max同第二個講,"呃...Hello~"
跟住第二個卡車司機用詭異既眼神望過黎,"唔好意思,但係你喺我視線範圍(阻住哂)"
我地又有2個選項:1.一切都映入眼簾,2.對唔住...
揀2,Max,"Oh,sorry~"
卡車司機,"無所謂~我淨係要睇下我出面架卡車.開咗成晚,我要確保我既寶貝訓得好~"
同櫃檯上既食客講完野之後可以右邊食物架度睇野食(好好味喎~阿俊同阿Max都係咁話)
餐廳最右邊有個櫃叫"名人牆",上面陳列咗一堆獎盃同成就.
隔離有部自動唱機,牆上面掛住幅相(Ken Kesey同Joyce既合照).
使用自動唱機有得揀"班卓琴曲子"/"結他曲子",右邊仲有幅大既鯨魚相.
然之後可以坐落去"電話亭"(乜鬼野翻譯)度,觸發主線劇情.
(乜我寫咗兩集攻略都未寫到主線嘅,仲有點解阿俊唔同右側卡位既食客歇埋計先 ==)