Life is Strange劇情重溫+攻略(第二章3)

EdwardLam

離開草地之後,就有得睇校園前園既過場動畫:
保安David同Nathan講野,多數都無好野,可以同Rachael/Kate有關.
跟住Max就走出校門搭校巴去海濱(個司機睇落幾有禮貌).
我地阿Max上咗車就戴耳機聽歌,個樣同Eli好似,巧打耳喲~
個畫面顯示我地轉咗入一個美式小鎮,氣氛好悠閒~
阿Max有啲眼訓,但都堅持住要望風景,(啲風景好靚架):
出面主要見到矮矮地得一層既大屋/舖頭,仲閃過座燈塔.
小總結:暴風雨前既呢一節大致都幾風平浪靜,睇片既時候零舍relax~


落咗車之後既目標係去由阿Chloe個阿媽Joyce經營既雙鯨餐廳.
途中可以見到企喺度等巴士既女人同老野.
Max話個女人睇落好迷茫,個女人就問佢架車要幾耐先到,仲話網上個時間表唔準.
然之後我地有2個選項:1.我啱啱落咗車,2.我唔知道
揀1,Max話自己頭先先從校巴落黎,但就確信嗰架車好快到.

個女人就應,"Oh,咁我鬆一口氣~我呢次面試唔可以遲到.我真係唔信自己老遠搭巴士去新港口就係為咗搵份工".
Max就應佢,"呢度件事已經變得咁差嗱?"女人話,"生活邊到會美好吖~我而連家連呢度都住唔起喇!"
阿Max就祝佢好運.個女人應番我地話多謝,呢樣野我肯定會需要.
跟住到同個爛身爛勢既阿伯歇計,佢竟然話自己唔得閒吹水,仲話自己係個百萬富翁.
佢渣住張飛話,"無錯,呢張就係我既六合彩彩票.等巴士黎到之後,我就當佢散紙咁扔入去."
(你又知張飛會中?好心你日頭唔好發咁多白日夢啦,早啲搭車番屋抖下喇)
完成兩次對話之後行前兩步就可以去接收Chloe既message.

入餐廳之前可以見到喺空地(餐廳右邊)有位漁夫擺攤檔,個攤檔主要係宣揚保護海洋生態系統,拯救我地個海灣之類既信息,上面有張宣傳單張可以睇下)
對話:Max同個漁夫打招呼,"早晨,睇落你好似準備去抓一啲魚"
個漁夫應,"我都想呀,少女~Arcadia Bay(我地身處緊嗰個海灣)唔再係我長大嗰個小漁村喇"
我地可以揀應佢"小鎮改變過咩?"漁夫應,"咁緊係啦,我原本喺海港稱霸既時候感覺上過咗好耐喇"
我地又有2個選項:1.你做得好好,2.你自己隻船?
揀2,個漁夫應,"我地叫佢做bali hai,我一直keep住佢去渡過啲艱難既日子...可能佢係我地遺一既回憶..."
Max應番佢,"我諗Arcadia Bay既出產品之一就係魚..."漁夫,"Oh,以前啲魚都係直接跳落我隻船度,
直至到prescotts同佢嗰班財團控制咗個海港"我地可以繼續追問prescotts家族(Nathan)既野,"佢有好大既權力"
之後個漁夫就話,"佢地可能會將小鎮改名做Prescott Bay,你知件事有幾嚴重啦~"
跟住我地又有2個選項:1.你識佢地?2.佢地擁有我間學校...
揀1,個漁夫應,"對我地呢種老實人黎講仲係難以接受,我知道佢地做咗啲咩衰野..."
然後個漁夫又話,"唔好沮喪喇,我聽講啲魚都仲喺度呼喚緊bali hai...
唔好唔記得漁夫既精神永不死,我地既本色就係咁樣!"
Max就話,"我想去學多啲,但係我必須走喇,祝你打漁快樂~"
好似無啦啦講完咁,用超能力番轉頭同個漁夫講多啲野,去番上一個選擇位度揀2."佢地擁有我間學校...",
個漁夫就話,"流氓開始資助建設學校同圖書館既時候就開始受人尊敬喇..."跟住又結束對話(好似無乜分別).
我地跟住仲可以去左邊睇狗仔同嗰架動物房車,再行埋啲就會被隻狗係咁吠,入唔到去.
跟住再去埋餐廳左邊探索下先,有張描述上次嗰場雪既免費報紙睇,隔離有個睇緊報紙既男人企咗喺度.
開對話:男人,"你信唔信啲個小鎮(中文譯成爛鬼地方)?個世界著火喇!而我地既頭條竟然係雪!
我用腳趾公諗下個星期既大新聞--雲!"
我地又有2個選項:1.雪好奇怪...,2.你喺度住咗幾耐呀?
揀1,"喺溫暖既晴天居然落雪喎~"
個男人應,"全球暖化係狗屎,呢度係西北,唔落雪至其!"
Max又應佢,"我一直聽講Arcadia Bay既人口暴漲"個男人,"報紙只係會講嗰啲或者關於失蹤少女"

我地有2個選項:1.Rachael Amber,2.呢個小鎮係一個謎
揀1,個男人應,"我估佢係因為無聊先至走咗去,邊個唔會黎呢度?"
呢個男人應該都係啲怪人,我地可以唔使理,再行前就可以欣賞阿Max既詭異眼神"不,我唔想去嗰度!"
轉左去番餐廳後門嗰邊,可以見到一個浪子.Max話佢係一個可憐既女人,希望佢可以搵到避難所.
同佢講野"Hello",個浪子應,"睇下你幾好~一個年輕既好例子.我打睹你係讀高班."
Max,"係,我讀Blackwell Academy架"浪子應,"我可以睇得出你係一個醒目囡,我對Blackwell同呢個鎮瞭若指掌"
[size=13.3333339691162px]跟住有4個選項:1.Joyce,2.Arcadia Bay,3.Prescotts家族,4.再見
揀3,浪子,"rescotts好污糟,雖然曾經對呢個鎮做過好野,不過都同其他野一齊逝去喇"
Max,"我知道邊個被Prescotts威嚇"浪子,"咁你就做佢既守護天使.
因為無乜野可以郁到嗰個家庭,尤其係法律.佢地仲掌控你間學校,Blackwell.
揀2"Arcadia Bay",浪子,"我喺度住咗一千年喇,同個鎮一齊經歷咗同樣既改變"
之後我地2個選項:1.咩改變?2.發生咗啲咩事呢?
揀2,Max問,"你點樣呀?"浪子答,"我有咩未經歷過?有時候你喺你既生活行錯路...
我傻傻地咁結咗婚,犯咗錯,被呃哂啲財產,無埋間屋而無家可歸..."
Max,"I'm sorry,咁你仲有無住過其他地方呀?"女人,"我既出路喺邊?
我討厭太陽,鍾意迷霧.我可能無家可歸,但Arcadia Bay仲係我既家"

最後問番關於Joyce既野,
浪子話,"佢重親過我真正既家人.佢有個同你差唔多大既女仔(Chloe),一直喺度搞野.嫁咗俾條正PK(David)"
我地又有2個選項:1.David,2.Chloe
1,Max,"佢個名叫David Madsen"浪子,"佢叫過我去搵工.我都唔知阿Joyce睇中咗佢邊點,但佢最好對佢好啲"
跟住就結束咗個對話,再行埋啲可以隔住鐵絲網同狗仔影相.