Life is Strange劇情重溫+攻略(第二章1)

EdwardLam

(續番上一章燈塔惡夢)我地阿Max醒番見到Chloe,將佢既超能力同埋暴風雨既事講哂俾Chloe知.Chloe一開始完全唔信佢,點知突然落雪,Chloe叫Max由頭講一次件事,跟住就播放第一章尾既動畫.(夕陽西下既同時流風迴雪,帶出咗Max同Chloe既百合情節)

喺第二章女生宿舍入面阿Max間房度,Max被鬧鐘嘈醒,模模糊糊咁從夢中醒過黎.
番番黎現實世界之後可以對張床上面張被進行整理.Max會自嘲,"我鍾意自己張床上面整潔,呢啲都係因為媽媽既教誨",睇得出Max好乖.
床頭隔離有部手機.Chloe send訊息俾我地,話我地阿Max喺呢個時候需要搵個人歇下,關於佢既超能力,落雪等等反常既現象.Chloe約咗喺40分鐘之後見面.Max望住塊鏡子,忍唔住感慨,"自己而家真係成副僵屍樣咁".
牆上面貼咗關於Max以前既旅遊相同埋參加運動比賽既時候影既相.當時參加比賽既Max仲同人打架,盡顯女仔既霸氣風範.
手提電腦(notebook)隔離放咗部新相機,可以拎黎對住塊鏡自拍.
窗口棵植物隔離擺咗張相(喺第一章為咗報復Victoria,用白油淋佢件衫嗰陣影).如果無第一章既紀錄,遊戲就會將第一章入面各式各樣既程節影落張相度.
然之後可以好似第一章咁對地上嗰棵植物淋水(會影響劇情).
梳化上面有餅CD同埋掛咗枝旗,可以撳隔離個吉他聽Max彈.衣櫃入面掛住幾件衫,隔離有沐浴用品
跟住可以離開間房,個目標係去浴室沖涼.
出到黎見到個紅髮肥妹就係Alyssa,由對話中睇得出Alyssa係一個對當代社會非常不滿既人.
喺走廊上站定定嗰兩個人就係Brooke同阿Juliet.Max問Brooke睇唔睇到琴日嗰場雪同埋點樣解釋場雪.Brooke將個問題推俾Warren.雖然科學暫時解釋唔到嗰場雪,不過Warren肯定知道件事.
跟住,Max問咗企喺隔離既Juliet有無見過關於Kate既短片攻略(阿Juliet份人好幸災樂禍).Max問咗Juliet佢相唔相信Kate鍾意咗Zachary,勾引Dana之類既野.Max可以選擇問關於Victoria既野/Zachary既野.
之後見到一間打開咗既房,入面有又有一位較大音樂喺床上面跳舞既人,佢就係Dana.Dana邀請我地去參加生日Party.Max可以有兩個選項:1.應承去參加呢個生日Party,2.拒絕咗呢個生日Party.應承咗參加呢個生日Party,仲話俾Dana知如果唔鍾意呢個Party就直接番自己房.
而家終於行得去浴室喇
喺浴室入面見到Kate喺鏡前刷牙.當Max走過去隔離間浴室時,Kate叫停咗我地,為琴日件事非常感激我地Max,仲等阿Max喺朝頭早將書帶番去佢間房度.
正當我地主角沖涼時(無乜福利畫面),Victoria同佢既小夥伴又跟埋入黎浴室(乜呢班人咁鬼鍾意亂入==),以網上面熱傳既一條片去羞辱阿Kate,仲要話埋我地女主角.Kate淨係向佢解釋咗話嗰段片既事主並唔係自己,就因為被激嬲而走咗去.Victoria喺塊鏡上面用唇膏留低咗條link.(個網站真係存在於現實,不過入面乜都無,大家唔使哂心機入去睇)
Max沖完涼出黎之後,(如果用水龍頭會引起喺入面沖涼既人抱怨無水)行去頭先塊鏡度,可以選擇擦甩鏡上面條link.
番番入自己間房,會發現成間房亂哂.床邊塊鏡子同埋牆上面仲寫咗對Max既辱駡(應該係Victoria做既,不過我地無咩證據).
最後終於搵到擺喺綠色凳上面Kate本書.第一次攞本書既時候,會倒瀉咗啲野飲落本書,用時光倒流既超能力,先移動野飲,再攞出札喺下面本書.
拎咗本書+換好衫->就可以出門去番阿Kate間房前面敲門,之後入面既Kate會邀請我地Max入去.
呢個時候會有個匿名既怪人send message黎恐嚇Max,叫我地收埋把聰明口乜都唔好講,如果唔係就黎踼我地屁股,仲話知道我地喺邊度訓.
我地可以唔理個message住,目標仲係搵咗阿Kate先.(個message可能係Nathan send,Max話自己要小心啲)
入到去可以摷Kate啲野黎睇,佢阿媽都好擔心,話想同佢歇下計兼為佢祈禱.然後發現佢連一直拉開既小提琴都無拉,甚至衫都無心情執.
從一張傳單確認佢有番教會,佢仲有喺本聖經上面寫筆記.Max話佢張全家福好以一家喪屍(?)
另外留意到佢間房燈光昏暗,塊鏡被遮住(Kate唔想面對自己),佢既畫風亦都變黑暗,垃圾桶裝滿紙巾,睇得出Kate好唔開心.
佢啲親戚寄信話希望Kate免受地獄永火(邊有啲咁PK既親戚架,寄信黎詛咒Kate)
有隻兔子,可以影相.阿Kate睇落情緒非常低落.Max過去同Kate講自己已經帶咗本書過黎.Kate完全唔在意,直接問我地Max點解琴日要幫佢,介入佢同David.我們可以揀:1.我們討厭蝦人,2.我無得揀(逼於無奈).呢個時候緊係揀1啦.
然候Kate會答話David覺得佢係"渦流俱樂部"既成員,我地再可以問3個選項:1.點解嘅?2.關於佢條片3.乜你同佢地聚會咩?
唔好問直接問2,問咗3先Kate會話佢對渦流俱樂部感到好自責,之後Max就會話如果Kate講關於佢條片,話唔定可以幫到Kate呢~
之後佢就會講番少少情報,話自己唔情願咁痴落班友度,對之後既野無乜印象.
跟住我地又有3個選項:1.真係得人驚...,2.聽落唔似你喎,3.咁點解你又要去?
最好係揀2,Max會追問乜你會同Victoria搞party架咩?Kate否認.Max就問佢有無飲過酒,Kate話自己淨係飲咗一啖,之後飲既都係水.
之後有2個選項:1.你肯定?2.咁仲未夠去等你放縱下自己
揀1既話佢只會再次發誓話自己真係淨係飲咗一啖.Max追問有無人落過佢藥,Kate只係話自己覺得好難受,好暈...
佢話(又係佢?)係Nathan送佢去醫院.跟住我地又有3個選項:1.你有幾難受?2.Nathan!3.你去咗喇?
揀2,Max話"Nathan?Oh, shxt!"Kate就話喺Nathan主動提出幫佢既時候佢以為Nathan變好咗.
Max話Nathan同"好"完全唔"啦奸".Kate就補充話佢記得架車行咗好耐,Kate喺間好白好光既房入面醒番,以為係醫院.
之後Kate聽到有把溫柔聲同佢講野,(其實係Nathan,Kate以為係醫生),跟住佢條頸被拮咗下.
之後有2個選項:1.跟住呢?2.你肯定?,緊係揀1啦.
Kate答話佢唔記得其他野,第二日佢喺宿舍外面醒番,身上無任可標記/瘀傷,但係淨係覺得好嘔心.(應該同Chloe一樣被人落藥)
同佢拍片既好似係Victoria.(事態好嚴重)
擺低本書之後Kate會問我地應該點做,有兩個選項:1.搜集證據,2.報警.
雖然揀1既話Kate會嬲我地一陣,不過最好都係揀1,因為Nathan有權有勢,好難告得入,要自己搵證據.