Life is Strange劇情重溫+攻略(第一章下)

EdwardLam

行開去會發現喺條梯隔離有個油牆用既白油桶,噴緊水既灌溉裝置&一個油漆工人.
喺油漆工人行埋去之前,我地可以去間屋仔度調較灌溉裝置既水量.Victoria會被逼行過去隔離.跟住再喺個桶度做小小手腳,等工人將個桶掛上去之後個桶就會跌落黎,淋到Victoria成身白液(佢頭先仲喺度炫耀緊自己件衣服,真係慘)
呢個時候可以再次同Victoria歇計,又有兩個選項:1.直接嘲諷佢並且影佢相(但係咁做會令Victoria更加憎我地),2.安慰Victoria(除咗可以提升佢對Max既好感度,Victoria仲會為以前做過既野向我地道歉),最好揀完1攞咗佢張得意相之後再用超能力揀2,總之而家可以入宿舍處理USB喇)
上到去之後,可以見到Victoria既兩個朋友迎面而黎,同阿Max擦肩而過.途中可能留意走廊既壁報板,每間房出面都有房主既門口板,可以查看上面既塗鴉.
按一開始入黎嗰塊宿舍地圖可以知道每個人間房既位置.
入咗自己間房之後會見到右邊牆上面掛住咗塊鏡,可以對鏡入面既Max自拍.房入面仲有hi-fi可以播放美國風既鄉村音樂.梳化隔離擺咗吉,可以俾Max彈下.亦都可以喺床上面休息,房窗前面有棵植物可以進行人手灌溉(對之後劇情影響,會淋死課植物...)
房入面搵極都搵唔到USB,不過喺電腦枱上面發現咗一張便條,USB被Dana攞咗去用.另外,Max既阿媽亦都send咗訊息,話校長又喺佢面前打小報告.
離開房門之後見到喺Dana的宿舍前有個棕色頭髮既少女企喺度,佢個名叫Juliet Watson.Juliet Watson覺得Dana勾引咗佢男朋友,將Dana反鎖喺佢間屋入面,仲話關阿Victoria事.
跟住個目標係去Victoria間房搵一啲反駁呢件事既相關證據.
用Victoria部電腦就可以搵到證據,用佢部電腦列印份證據出黎,渣住份證據去搵Juliet Watson解開佢既誤會.Juliet讀咗份證據之後,知道自己誤會咗Dana,感到好自責,向我地道歉.
然之後就可以入去Dana間房.USB擺咗喺佢枱面,攞完就走得.直接拎起地上面枝驗孕棒會被Dana斥責,並且事後Dana會坐喺床上面好慘咁喊.最好既做法係:同Dana歇計去瞭解到佢懷孕.
Max攞咗USB準備去搵喺停車場既Warren.Warren等到有啲焦急,send message話非常願意喺停車場久等,仲鍾意咗停車場.睇得出Warren一直暗戀Max.
喺去停車場途中遇到Kate,委屈咁被保安David鬧.我地可以揀1.企喺度影相2.勇敢咁企出黎幫Kate對抗David.揀咗拍照之後,Kate會發現我地無幫到佢而嬲我地.
所以最好既做法係:揀完1再倒帶揀番2,反正之後都會成日同David交鋒,一路幫friend幫到底就OK.

終於都黎到停車場,見到等咗好耐既Warren,喺俾USB佢既時候,Warren居然想抱下我們地既Max,不過被我地打斷咗.
Warren收到USB之後仲同我地介紹咗佢最近買嗰架二手車,歇咗好耐.
原本應該歇到天黑,由Warren送我地番宿舍.點知Nathan無啦啦亂入,佢發現咗頭先撳警報既就係我地阿Max,對Max郁手郁腳.呢個時候,Warren挺身而出,幫Max出頭,結果被Nathan打到好慘.
跟住到藍髮Chloe渣車過黎,仲叫Max上車.原來佢就係我地以前既青梅竹馬.(頭先喺廁所阿Max唔認得佢)


一上車,Max部相機就壞咗.喺路上,Max同Chloe講咗好多佢地深刻難忘既往事同埋互相問候近況.
一入到去Chloe屋企就見到Chloe食煙,枱面仲有好多毒品.
Chloe叫我地幫佢播放一啲音樂.目標:打開插頭開關+喺床底搵到CD.喺跟住既對話可以睇得出Chloe同Rachel係一對好朋友.啲尋人啟事係佢貼既.
可以喺佢間房個櫃頂上面搵到紙箱.從跌落黎既紙箱入面張紙條可以知道Chloe兩年前被踼出Blackwell.但據我們阿Max所知,Chloe以前仲係一位好學生.

Chloe話俾我地聽修理相機既工具喺樓下既車庫度,叫我地自己去搵下.不過我們喺樓下發現到好多細節:原來Chloe個老豆就係保安David,曾經做過軍人.樓下仲擺咗一櫃槍.不過入面好奇怪咁少咗把.而且David仲喺所有既房入面裝CCTV.
修理工具喺好高既地方(掂唔到),聰明既Max打開部機,通過部機既震動令工具跌落黎.不過工具跌咗入櫃底,攞唔到.用時光倒流將地上既紙攝入櫃底,再著部機就可以令工具跌落張紙上.然後拖出張紙就可以攞到工具.
點知都係修理唔到部相機.Chloe發現咗我地喺洗手間影藍色蝴蝶張相先至知道原來當時撳警報救佢既就係我地阿Max.
Chloe送咗佢老豆俾佢既相機俾Max,話佢自己都無用部相機.跟住佢仲較大個音樂,喺床上面跳舞,我地可以用新相機幫佢影相.
點知Chloe個老豆居然番咗黎,仲聽到樓上咁歡樂.要上黎檢視情況.Chloe用換衫既理由黎拖延時間,叫我地快啲哩埋.如果Max唔哩入櫃就會被佢老豆鬧一餐.第一次哩入衣櫃會因為隔離個拖把導致櫃入面既野塞住個櫃.要用超能力移開拖把再哩入櫃.
呢個時候Chloe個老豆走入黎,狠狠咁教訓阿Chloe,仲問我地點解車庫會少咗把槍兼摑咗Chloe塊樣(喂~唔好打面)如果你頭先喺樓下做錯野佢都會鬧埋.我建議:廷身而出幫Chloe(之後都係咁做),話枝煙係Max既,跟住Chloe就會俾佢偷番黎枝槍我地睇.
然後,Chloe話要帶我地去一開始嗰座燈塔嗰邊.
Chloe會喺燈塔下照著晚霞既長凳度等Max,向我地吐苦水,透露David無時無刻監視佢.我地可以揀將喺樓下見到既真相話俾佢知.
點知阿Max突然頭痛,又夢見番暴風雨既惡夢.途中可以用超能力避開轆落黎既大石同木條,沿住條路上去燈塔下面.
之後再用超能力避開粉碎既燈塔去長凳.發現到一張報紙,日期係四日之後(四日後會有暴風雨).
總結:周圍既尋人啟事可以知道Rachael失蹤好嚴重.
Warren深深暗戀Max.不過Max對佢好冷淡,收兵.