Life is Strange劇情重溫+攻略(第一章上)

EdwardLam

一開始,女主角Max喺暴風雨中,好迷茫,諗住行去燈塔避難.點知行到去燈塔附近,座燈塔就被龍捲風捲碎.
醒番之後可能睇到枱面上自己既文具,相機,相.
撳mouse左掣滑過去"Take Selfie"自拍.
拎起部相機既時候,老師注意到我地,然後問我地問題.我地會有兩個選項:1.你在問我,2.我唔知
而家可以求其答一個答案,對劇情無影響,因為之後會改番.
然之後,班入面一位金色短髮既女同學Vivtoria企起身,答啱咗呢條問題.望咗我地阿Max一眼.Max望落去好似俾佢串到唔開心,失哂霸氣.呢個時候,落堂既鐘聲響起.
老師落堂仲熱心咁指出咗各個學生上課嗰陣所犯既錯誤,並叫我地女主角Max唔好假扮睇佢唔到.阿Max落堂之後亦都串番Vivtoria轉頭.
跟住可以自由咁喺班房入面行,有提示既野都可以撳查看/影相留念.
行到去個老師Jefferson面前,同佢歇一陣計.隔離阿Vivtoria就睥到我地實一實.簡單咁同阿sir講陣野之後就可以離開課室,出走廊自由移動.
目標係去女廁清醒下,途中可以見到同學喺度歇計,玩手機,蝦人.可以去查看/打開自己個Locker,入面有Max既父母同埋Jack(?).
入到去廁所之後,阿Max先正開始表達心中既慨嘆,覺得呢個世界無人明白Max,得阿Max自己先知道自己崩潰緊.
望住廁所塊鏡,Max既心情終於好番啲(留意塊鏡,有少少搞笑)
抒發完心中所想之後,Max扭開水頭用凍水洗一洗塊面.然後拎出袋入面張相,諗番起老師講過既一句話,就好嬲咁將張相撕開兩截,扔喺地.
跟住會有隻藍翼蝴蝶從窗口飛入黎,可以影相.
欣賞緊蝴蝶嗰陣,有條友(Nathan)衝咗入黎(女廁).跟住到藍色頭髮既女仔(Chloe)入黎.佢逐格逐格廁格check,確保無人喺度就同Nathan嗌交.
跟住嬲到痴咗線既Nathan將Chloe壁泈(撳埋牆),向佢開腹部開槍.Max大嗌咗聲"No~~~"並伸出佢隻得意手.
呢個時候,奇妙既野發生咗喇,個畫面好錄影帶咁回溯去佢阿Max夢醒喺班房既時候,引出咗Max時光倒流既超能力.
跟住發生件事同頭先一樣:Max先後被人掟紙團,手機響.由於件事太特別,搞到Max有啲擔心.一唔留神就將自己部相機扔爛.Max仲係唔信頭先件事.跟住會有時光倒流既教學:撳住滑鼠右鍵就可以開始回溯.
啱啱dump爛嗰部相機會番番落張枱,可以再撳多次"Take Selfie"自拍.
老師會問番一開始嗰條問題,有兩個選項:1.我想嘔,2.我需要去女廁.提出去廁所既請求之後會被老師拒絕.我地心諗:落咗堂之後一定要去救Chloe.
由於呢個答案唔太理想.呢個時候,阿Max又用多次超能力,將時間番番去阿sir問問題之前.
第三次答問題會有一個好清晰,間咗線既選項"The Daguerreian Process".詳細解釋完就可以避過阿sir鬧.
跟住落堂既鐘聲響起,同第一次一樣要出去同阿sir講野既時候,又有兩個選項:1.I’m not avoiding,2.not sure if i have one,兩樣都唔係最好既答案,求其揀一樣再用時光倒流.就可以有第三個選項(underlined咗)"John Lennon said".
講完野之後同頭先一樣黎到女廁,跟住撕相,洗面,哩埋喺洗手間最埋面.跟住Nathan同Chloe會入黎鬧交.我地需要撳牆上面既消防警報.但係因為個警報被外殼保護,要推郁地上面既垃圾桶,喺下面搵把榔頭.重點係:速度要快,注意左上角個時間,過咗時間就用超能力,最後終於觸發警報.(呢個步驟開始有啲繁複,個技巧係將鼠標擺喺要用既野上面,撳實右掣既同時諗定跟住要做既步驟.一用完時光倒流就即刻撳左掣去做.
總算救咗Chloe,一行出廁所門口被保安David攔鬼住哂,話咩聽到警報就應該出草坪避難,而唔係成機入女廁鬼鬼祟祟.好彩有光頭校長Wales解救咗我地.跟住番課室之前會同校長講野,有兩個選項:1.Report Nathan(報串,告Nathan入女廁&渣槍),2.hide the truth(保守秘密).
揀保守秘密,以身體理由去說明入女廁既原因,但咁做對校長行唔通,佢一早已經懷疑我地拎呢個做藉口去隱藏一啲野.跟住可以用時光倒流黎改答案.(報串既話校長都唔會信,之後會解釋原因).點都好,跟住就可以出去探索校園.
出咗去花園唔夠幾步就收到咗黎自Warren既短訊.佢話需要USB,Max就應佢話"今日真係一生中瘋狂既一日",然後都係去結識新朋友/歇計.
首先見到喺度玩緊遙控飛機既Brooke,答啱佢條問題就可以借佢架飛機黎玩一陣.不過第一次歇計無正確既選項.完咗個對話就可以摷佢個袋,搵到關於飛機既資料.然後又係用超能倒帶.呢個時候,我地已經知道咗正確答案.再同佢講多次野,並且講架飛機既型號,Brooke就會覺得我地係佢既好知己,將架飛機交俾我地.(撳spacebar就可以退出遙控飛機視點)
跟住就會見到熱心既Ms.Grant老師(幾好人下),她話俾Max知David會喺校內裝滿CCTVB,問我地願唔願意簽名,(最好揀簽名).
之後見到坐低既Evan,可以睇他本畫簿,不過又係要佢條問題先'著名既"Falling Soldier"係邊個影',求其揀完可以用時光倒流再答過,正確答案係"Robert Capa".
答啱咗之後,Evan會對我地阿Max有好感,並且認為我地同佢志趣相投.呢個時候可以睇佢本畫簿.內容係關於喺校園內失蹤既Rachel既畫像.
而坐喺樹下面既Daniel(頭先被人蝦嗰個肥仔)係素描愛好者.同佢歇計唔單止可以拎到關於Rachel既情報,佢仲會問我地可唔可以幫Max畫番幅畫.應承咗既話會喺間房(宿舍)部電腦上見到Daniel發佈既Max素描畫.
Justin就係一個熱愛滑板既少年,第一次同佢講野主要瞭解到關於滑板既資訊(好似無乜用).用時光倒帶再同佢歇計就會深入啲.仲會有多一個選項"I Came to Noseslide".
揀咗第三項之後可以見佢做Noseslide同Tre Flip兩個動作.揀第二個既話佢會出醜(撞到下面,痛......>A<),之後可以影佢相.(好似好衰咁).
中間個水池同埋有棵樹下面都可以坐低.中間水池左邊行出去,就可以到達我地間宿舍門口.點知又被Victoria擋住條路兼串咗兩句.