Gangstar Vegas Bugs/技巧(附圖)

EdwardLam

主線第一章送上一程偷完架豪華轎車之後可以入軍營,唔會有5星,喺短時間內落車偷架坦克/軍用直昇機,跟住任務之後就有得渣嗰架軍用戴具出去.
你最近渣過架車就算係浸咗落水(池/海)唔用得都好,入主線第一章送上一程就可以喺開場個露天停車場spawn番架車出黎(試過飛機/直昇機都得).
你渣架車去做第4章機槍革新之後,你架車會出現喺側門(花園隔離).
做任務被警察通緝,做完任務通常都會無星(除非你喺任務用過火去燒警察),同埋啲警察會好快走番入架警車,你可以偷佢啲警車/打佢地一下而唔會有星
一開始儲夠錢最好買哂啲屋,之後平時除咗可以定時收錢之外,仲可以撳造訪瞬間轉移.
被警察通緝唔可以用屋瞬間轉移,但可以接任務,轉移去任務地點.
一開始最好升拳頭(我輕重擊都升爆哂),之後打架輕鬆好多兼且可以喺拳擊比賽攞4星
城市入面既黑社會有兩種:便服渣細槍&幫派衫渣散彈,可以喺佢地打鬥抽水.
被警察通緝可以引佢開槍,警察啲射術麻麻地,引佢射中黑社會之後黑社會會幫你打警察.

喺馬路上打鬥會被車撞,可以利用呢點去打企喺馬路擋車既人,之後架車會幫你撞低佢.
做主線任務同人合作時可以撩架打,你既隊友會幫你手收搭敵人.
賣去拆車廠既車最好揀警察跑車,比大部分偷番黎既車都賣都貴,chok1-2星就會有.
踩單車/電單車時將軚盤拉向下可以單輪.
用槍去打近既目標可以掃低佢落地,倒地既敵人補多1-2下近戰就KO
敵人爬緊上黎可以打番佢落去

跌落水既警察已經廢咗