The Evil Within DLC The Executioner 攻略-終極處刑室

EdwardLam

二周目以上尾BOSS前面既處刑室3先會變成終極處決室，完成終極處刑室可以解鎖武器使用次數無限，攻略如下:
注意:死咗之後攞到既代幣唔會消失。
滿血時唔會跌血包，BOSS喺你未滿血時先會跌血包。
Wave以大佬為準，雜兵無限spawn出黎。
敵人之間互相攻擊亦都會造成傷害，可以利用呢點等BOSS幫你搞掂唔少怪。
最後場BOSS戰儘量留1-2個血包喺場地入面。平時如果血量未到一半以下唔好食血包。
第一Wave：兩隻雜兵，毫無難度。
第二Wave：開始有無限雜兵spawn出，之後電梯會出機槍怪同埋炸藥怪。佢地未睇到你時會亂咁跑，衝上前搥佢一穫就搞掂喇。
第三Wave：電鋸佬會喺右側條電梯出現，先閃開佢衝擊再還手係最work既方法。他條血降到一定程度就會跪低，可以處決。
第四Wave：巨人，著火既另一邊出黎，攻擊有橫揮，直劈同埋連揮6下既衝擊。攻擊慢不過殺傷力大，打中你會中斷你既處決兼扣血。
第五Wave：RPG虐狂，打到佢唔用火箭炮會有兩隻電鋸虐狂，優先解決原本渣火箭炮嗰隻，因為佢條血所剩無幾。火箭既打法還是趁他入彈時過去同佢搏，他啲射術超廢。。。
呢Wave結束之後就到最後既BOSS戰，最好提前搵定場地入面血包既位置，喺電梯右邊打斜既巴士後面待機。
第六Wave：Sebastian+Joseph，呢戰無雜兵干擾，優先解決Joseph。喺巴士後面向住佢地出現既地方掟炸藥，等其中一個BOSS過黎，如果係Sebastian黎先千其唔好喺道同他打，Joseph好易會抄你後路，呢種情況要由巴士既另一面去隔離架卡車take cover。最好既情況係Joseph黎先，用鐵絲網陷阱+長刀快速KO佢。如果去到咗巴士外面，可能就會喺Sebastian既射程範圍之內，就咪冒險哩喺巴士後面，用火箭炸Joseph，或者等佢自己過黎，佢把手槍攻擊力好低，挨幾槍都唔會有事。Joseph一跪低可以處決就差唔多搞掂。對Sebastian唔可以硬拼，要利用架巴士同佢磨，佢通常都唔識跑，所以喺巴士既轉角位見到佢個影就可以喺佢見唔到既範圍入面放鐵絲網陷阱，或者直接用炸藥炸佢，他被炸冧之後仲可以上去補多幾刀。切記唔好貪心，要小心佢既鐵蓮花或者麥林手槍。。。到佢一瘸一拐就係差唔死喇，再耐心啲就順利完成。