The Evil Within DLC The Executioner 攻略-戰鬥

EdwardLam

虐狂(電鋸佬):
入去先搞掂兩隻魔纏者.電鋸佬識橫掃同直掃,喺佢行近揮鋸嗰陣劈佢就可以擋格到.之後連續撳△,反復以上步驟2-3次就完成~
返番大廳後有得入處決室刷怪,不過利潤唔高,可以唔理佢~
拾(狼牙棒巨人):
一入去嗰陣巨人仲係被鐵鍊鎖住，快啲衝過去弩箭發射器射佢一穫，全部命中既話佢就會倒地，可以進行處決。之後佢大約剩番一半血度。個場仲有2座箭炮塔，用過既嗰個要狂撳O先至reload。用緊炮塔嗰陣俾怪打唔會扣血(座炮塔有防禦力頂掛)，拉開距離放心用箭塔就得。要注意不斷出現既雜卒，唔好殺哂佢地住，因為死哂會再spawn過。最好打淨一隻重傷，尊心打BOSS。掃多巨人一穫再衝前補刀就KO到。
警探Joseph:
Joseph屬於平衝型BOSS，攻擊模式有:近身斧頭，遠攻手槍同埋汽油彈，鐵絲網陷阱對佢好有效。利用場地的障礙物同他磨過。即可輕鬆戰勝。你可以學Eli屈佢埋牆角壁咚。
RPG虐狂:
軍佬第一段係遠攻模式，主要用火箭炮，順住瓦礫跑圈。第二段用番電鋸，打法同虐狂。
上策:求其打到一隻喪屍硬直撳×拎起，然後趁火箭虐狂發射火箭既時候掟條屍過去，等佢枝火箭自殘xD~
中策:正所謂遠近相剋，佢遠攻既時候就跳避開。等佢入彈(唔使等發叔喇)就追住佢狂斬。要小心佢第一段都會用近戰反擊同埋會避，主動啲出擊磨2-3次跑圈就得喇~
下策:記錄低佢既跑圈路徑。喺條path上面放鐵絲網陷阱，唔太work，不過對拖佢有幫助。
打完之後處刑室2會開，入面有機關，可以解鎖一啲虐殺紀念。
跟住會有隱形怪，開記憶雷達追佢，輕鬆搞掂。
原初混種:

利用佢掟過黎既車，撳△掟番俾佢，攻擊到佢無力，上去補多幾錘，要小心佢起身既時候會偷襲你。
尾王暗黑看守者(Keeper):
善用場地既針天花板可以對佢進行必殺。殺兩次就可以入第三階段。第三階段開始之後地上會有血霧，要keep住喪跑，避開Laura既必殺血爪。再鎚佢一穫爆機~~~