|
先講畫質方面,需然比唔上 The Last of us,不過都唔差.戰鬥方面就好似 Bio Hazard 4 咁,三上一開始已經盤算過,唔會令戰鬥既節奏太爽快.為咗避免玩家濫用衝刺同近戰,令玩家多啲動腦筋去善用場景,潛行同暗殺,喺武器同角色體力方面加咗好多限制.例如,槍械既射速唔會太快,高攻武器要入好耐彈,角色奔跑一陣已經會攰,動作經常都有硬直,體技威力極細等等.盡量令到玩家喺戰鬥既時候唔會因為太爽快而將恐懼拋諸腦後.DLC時甚至刻意塑造女主角柔弱既個性,比主線更絕望,更恐怖.至於主線後期, 因為啲敵人用人海戰術,增添咗玩家既緊張感,所以失去原本平靜既驚悚氣氛. 而關卡設計同敵人佈置亦都突顯到三上既心思,The Evil Within做得非常出色,唔單止有仔細寬闊既場景,收集品比大部份既恐怖遊戲多.喺高難度入面更改佈置並提高怪物 AI,而唔係純粹增加喪屍既生命值,呢一點已經令The Evil Within與別不同. The Evil Within帶俾咗玩家無窮既想像空間,遊戲入面既謎團,就好似大多數既科幻電影咁,喺最後一關先解開.不過更甚既係,The Evil Within既結局只係解開到謎團既七成左右,Sebastian既過去,Joseph既生死,Kidman背後既組織,Ruvik得到Leslie之後既去向等等,都要等到 DLC 先至有進一步解釋.而主角Sebastian醒咗一次之後又再醒多次,更令人不禁聯想起 Inception.不過比電影更加攞命既係,主角就好似舊式遊戲既主角咁"無口",唔多講野.就算聽住佢講野,我都了解唔到佢既感受同諗法.所以大家都係要自己聯想,就算我寫咗咁多心得都有一半係靠估.
| 
發表於 2015-5-30 15:57:31
收藏