GameplayHK 論壇

標題: [攻略心得]Clash of Queens兵種介紹,分配部隊攻略 [打印本頁]

作者: EdwardLam 時間: 2016-8-23 16:15
標題: [攻略心得]Clash of Queens兵種介紹,分配部隊攻略
Clash of Queens有4大兵種:步兵,弓手,騎兵,法師.而每個兵種都可以細分做兩種類型(即係總共有八種).
先講步兵,喺攻城戰嗰陣優先打前線既步兵(騎兵除外),所以會消耗得最多,步兵有分矛兵同盾兵:
矛兵(Lv.7解鎖)攻擊力較高,對騎兵有傷害加成.而盾兵就有較高既血量同防禦力,可以減低黎自弓手既傷害.
弓手屬於後排輸出,分為了兵同弩兵(Lv.7解鎖):
弓兵射速快,對步兵以外兵種有攻擊加成,弩兵射程遠,攻擊力較高,守城有攻擊加成.
至於騎兵就可以提高行軍速度,仲有機會越過前排步兵直接攻擊後排既法師同弓手.
其中騎兵有機會閃避攻擊,弓騎(Lv.10解鎖,渣弓嗰隻)喺資源戰嗰陣有攻擊加成 .
法師都係屬於後排火力兵種,射速慢,攻城嗰陣有能力加成.
留意佢地面向邊面,有兩種法師(對稱,一樣樣,向左走向右左LOL)
望左邊:防禦&生命值較高(後排黎講無乜用),負重非常高但行軍速度慢,攻城有防禦加成(無乜用).
望右邊:射程較遠,攻城有攻擊加成(好似有機會爆擊).
如何分配唔同既兵種?
先講守城:
高lv.玩家會盡量留低啲弩兵守城(因為有加成),另外放陷阱配合城防科技就無乜問題.
最好升定啲醫療,守完之後即刻補番啲兵去守下一波(醫傷兵平過生新兵架)
跟住到攻城:
攻城嗰陣最好帶多啲盾兵(利用佢高防厚血既優勢),等佢地頂住敵方啲冷箭,可以帶少量矛兵去殺騎兵,保護後排輸出.
普通騎兵帶少量就得,主要輸出係靠望右既法師,跟住到弓兵.殺哂敵方前排就可以快速咁用弓兵清埋後排(剋步兵以外既兵種)
打野怪方面:
矛兵喺打怪方面表現比較出色,可以帶多啲,另外再配啲弓兵.
如果長征既話就最好帶騎兵去增加行軍既速度.
採集資源:
盡量帶望左既法師(高負重),揀啲近既地方採集降低來回既路程
至於弓騎就留番要黎搶敵方既資源啦(e.g.佔人田),或者湊人數都得.
P.S.25級以上既玩家可以喺城旗度自行編隊,最好編定攻城同打怪既隊先,方便戰鬥

作者: Eli 時間: 2016-8-24 22:42
多謝攻略, 明天share 去facebook 先~~~~~~~~~~~~~~~~~~~~~~~

作者: EdwardLam 時間: 2016-8-30 00:17
Eli,討論區係咪12月先開始更新?可唔可以拍片教點樣拍片?pls~

作者: tudousimple6 時間: 2017-1-18 12:44
感謝攻略

歡迎光臨 GameplayHK 論壇 (http://forum.gameplayhk.com/)