GameplayHK 論壇

標題: Facebook 遊戲 -- 求生,3D,寫實《Survival》 [打印本頁]

作者: EdwardLam 時間: 2016-1-21 23:03
標題: Facebook 遊戲 -- 求生,3D,寫實《Survival》
今次既遊戲體驗算係一般般, 玩咗一陣有少少失望.
雖然我唔打算推介大家玩呢隻game, 不過都介紹下, 大家自行考慮玩唔玩.
《Survival》係一款以末日為題材既online3D生存遊戲.

畫質方面尚過得去, 但係初頭個場景有啲單調, 成條路都係一模一樣既植物...

而以一款Facebook game黎講,呢個遊戲既世界面積大得驚人, 有成7 km^2.(話哂都係求生類型既game,地圖點都應該大番啲掛...平時啲FB game得幾間房有乜冒險可言)
《Survival》同一個server最多可以容納40名玩家(事實上我遇到既玩家真係唔多...)
遊戲入面都有唔少道具,裝同武器,玩家甚至可以自己craft一啲item(例如用罐頭刀可以開罐頭食物即食)

我作為新手第一次玩就緊係揀training. 點知一入場就話你死咗(?!)

跟住仲離譜, 明明其他版面既語言都仲係英文, 入面啲任務指示竟然係俄文!(連目的地既說明都係)

搞到我一路玩教學模型都要估估下佢講乜.(例如撳住Shift掣行前-跑步)
我沿住條路黎到佢俾我第一個目的地--一架荒廢咗既車,上面有3項補給物資.(衝鋒槍,子彈&唔知乜)
執既時候唔係就咁行埋去就執到,而係要用mouse瞄住要執既野(仲要等佢個鼠標轉做手套),再撳E掣.
黎到執野已經算數,跟住落黎先至係伏位:
首先,我以為呢隻game既槍喺執到子彈後係會自動入彈,或者好似其他game咁撳一下R掣入滿彈匣.
點知呢隻game把衝鋒槍竟然要撳住R掣等佢逐粒逐粒彈入落枝槍度...
仲有呢隻game真係非常之寫實,喺我執完野以為自己整頓好,離開爛車繼續移動既時候,
路邊竟然有隻事先唔知埋伏咗喺邊既野狗/狼偷襲我.
呢個時候,我先意識到有怪.就喺我開槍打佢,我發覺開咗一槍之後枝槍開唔到.
而隻狗/狼仲繼續狂攻擊我(要打兩槍先死),於是我就一路入彈一路扣血.
(有樣野我之後發現,殺完狗/狼係會好似minecraft咁跌肉(可以執)

雖然一開頭有啲狼狽,不過我搵到有個唔錯既戰友.

佢會幫手殺怪,仲會載我去目的地.(呢隻game成日有得搭順風車)

我搭咗一輪順風車過咗幾個目的地,點知真正既伏又降臨.
首先,我黎到一堆疑似直昇機停機坪既地方.

仲發覺自己渣唔到載具(無論撳乜野掣都無反應).
咁啱隊友渣渣下直昇機又無啦啦墜機(仲要喺原來起機既地方墜機...)

之後仲有一條好長而我又過唔到既圍牆圍住我要去既目的地.

歡迎光臨 GameplayHK 論壇 (http://forum.gameplayhk.com/)