GameplayHK 論壇

標題: Red Alert2 地圖技巧 [打印本頁]

作者: EdwardLam 時間: 2016-1-17 20:03
標題: Red Alert2 地圖技巧
Red Alert2入面,玩家除咗可以睇放大咗既畫面之外,仲可以睇右上角幅小地圖.
(注:最底下嗰點好多人唔知/無留意到)
通常啱啱入關既時候個地圖大部分都係黑色,睇唔到,要自己探索.
最好開地圖既方法就係利用啲動物或者平民,或者一啲唔重要既廢兵(e.g.清空咗既運兵艇).
玩盟軍既時候有大約兩關可以靠牛牛黎開地圖,仲有一兩關救咗人之後啲居民會熱心幫你.
而玩蘇聯軍洗腦既時候都可以攞奴隸黎開地圖.
開細地圖既方法:
1.如果係盟軍就起空指部/空軍基地,蘇聯軍就起雷達
2.要夠電力
(否則你只係會睇到一個Logo)
另外當基地既人(多數係靚女)同你聯絡既時候會暫時無得睇細地圖
另外,有時可以直接開哂成個地圖(唔使搵人破啲黑色野):
1.特定任務原設
2.盟軍既時候要先起作戰實驗室,之後就有得起間碟衛星
3.蘇聯有一關可以截一架貨車攞哂全地圖既情報
細地圖除咗可以俾你一覽哂成個地圖之外仲有以下既好處:
1.可以知道邊度俾敵人攻擊
有時進攻緊既時候成日會聽到unit loss或者基地俾人攻擊,
細地圖有個紫色既方框或者變緊色黎標記邊度俾人攻擊
2.方便控制部隊
當你編好隊再撳部隊個no.既時候,嗰隊既位置就會喺細地圖上變色.
另外,你可以直接喺細地圖上指示部隊行動.
(即係你可以直接撳落個細地圖度叫已選取既單位行去你撳既目的地)
另外重要既目標亦都會變色顯示喺細地圖上

歡迎光臨 GameplayHK 論壇 (http://forum.gameplayhk.com/)