GameplayHK 論壇

標題: 陣營結局一問 [打印本頁]

作者: Hin724 時間: 2016-1-5 03:14
標題: 陣營結局一問
我想問下有冇可能保全到所有陣營來完成故事結局?
上網有人話,個個陣營都入之後入一個就殺一個,清哂3個大佬就OK
咁全部陣營嘅矛頭會集體指去我自己,咁3個陣都會保存到

我想大家去討論下點先係''最好''嘅結局??

義勇兵就肯定係100%好人,反正我就係義勇兵嘅大佬,冇人會反對我

兄弟會就係一班將自私行為高尚化嘅粉腸,之後高調咁橫行霸道,自稱自己係好人,做嘅係好事

學院就係一班摺係屋企搞野嘅人,其實佢嘅好壞係有討論嘅地方,理念係好,行為有問題,但有幾點就一定係唔岩,
為左達到目的,不擇手段,利用kellog嘅人生,知佢生不由己,令佢黑暗更黑暗,冷血更冷血,改做佢成為半個3rd GEN,大條道理比佢盡情殺人
為左令人類呢個物種變得更強大(嘩頂你好大條嘅道理),對其他物種改做,FEV實驗,令人類變超級變種人,令超級變種人變巨獸,實驗衰左之後,就將全部野放出聯幫,之後爆左實驗室,仲封左佢,條數入落幅射到,話D野係人自己吸太多幅射變出來,唔關我地事,之後拍下seafood走人,當冇事發生,史旺同博士就係其中例子,為左令自己目的實行,洗其他人腦,點人去做野,自已食花生食左2百幾年,,不經同意改做生命,創做生命,將自己打做成神嘅地位,種種行為,只講到係一個好好嘅理念落入一堆仆街手上實行

鐵路..冇咩好講,除左義勇兵之外基本上佢地就係第2班好人,推行自由理念,講比有獨立思想嘅合成人知,生你出來嘅人唔係神,佢地都係會錯,而且佢地唔會認錯,只會要你陪佢一齊錯,你唔肯就殺左你,大個仔啦,自己用腦諗啦,可惜好人難做,唔得好似兄弟會咁橫行霸道,唔想好似學院咁點D卒去做自殺野,更唔想好似義勇兵咁出名高尚,太出名之後比人滅團,唯有做過街老鼠,暗地裡做好事

大家支持咩陣營,又點去玩完美結局出來

作者: Matthew06 時間: 2016-1-5 14:44
我是支持鋼鐵兄弟會的,不如大家想,其實各陣營的分歧在於如何對待合成人(義勇軍在這話題是中立),學院就當佢地是工具,鐵路就當第三型合成人當人,而鋼鐵兄弟會就把他們當異形,其實學院和鐵路都是自私的,學院製造有自我意志的合成人,但當他們是工具,鐵路簡直可笑,只救第三型似人的合成人,迪耿自己都講過:[難道我們也要救第一和第二型那些根本不像人的合成人嗎?]而且解放合成人後,其實有個非常嚴重的問題,如果合成人大量潛入人類當中,如果他們的程序被改編,變成殺人機器,那人類不就滅亡了，所以還是殺光他們才可以保証人類安全

作者: James971207 時間: 2016-1-5 16:00
我同阿俊一樣都唔鐘意鋼鐵兄弟會（雖然我冇玩FALLOUT4），但我覺得兄弟會將所有佢地認為係錯的事物或者反兄弟會的人/事/物都要消滅呢個觀念係錯的。

作者: Arter173 時間: 2016-1-5 16:22
標題: (
一定反兄弟會，因為火力最强，同佢地打好好玩

作者: GameplayHK俊 時間: 2016-1-5 17:49
其實每個陣營都有佢唔好既地方，要揀邊個真係好難取捨

兄弟會：消滅一切非人類生物，以兄弟會之名周圍去收保護費、奪取科技，不過好多非常忠心既好人喺組織人面，而且都對組織絕對信任

學園：受到輻射污染就係原罪，學園居民就係神既子民，地面上既生物去死啦。但係又去研究FEV病毒唔知想攪d乜出嚟，合成人又無意間做到佢地有靈魂咁樣，但又唔承認佢地有生命

鐵路：第三代合成保護團體，其實第一二代直係可以話係有AI既機械人，未有靈魂，合成人偵探應該係等2.5代。幫合成人記憶清洗完就完全唔理，攪到地面上周不時出現一模一樣既合成人對人類，但合成人又唔知自己先係假，哩個先係最大問題....但就咁睇呢，最好人就係佢

義勇軍：最先出現係佢，存在感最薄弱係佢，最煩又係佢，我地身為將軍，但就有個黑人下屬成日比任務我地做...因為太煩既關系都好唔鐘意義勇軍

其實有冇得全部殺晒，我地做廢土大魔王呢XD

作者: ziv 時間: 2016-1-5 19:37

GameplayHK俊發表於 2016-1-5 17:49
其實每個陣營都有佢唔好既地方，要揀邊個真係好難取捨

兄弟會：消滅一切非人類生物，以兄弟會之名周圍去收 ...

我諗住完哂主線就開始大殺特殺...
鑽石城,芳鄰鎮,81號避難所...總之殺哂所有人

作者: ziv 時間: 2016-1-5 19:53
義勇軍只係為左生存,無乜目標,最多係想聯邦既人生活得好啲
鐵路係為左救合成人...但學院被滅後,仲有咩存在價值?
所以我感覺呢兩個組織都無乜長遠目標

學院係班毒毒宅宅,無視地面一切,只係諗自己,而且更加想扮演"神"既腳色
所以先有合成人,超級變種人呢啲研究
其實佢地有啲似現時既人...所以都幾明白佢地,但道德上...接受唔到囉

兄弟會理念最正確,知道科技係雙面刃,唔可以亂用
所以想收集哂所有科技,再用自身既嚴格規則去管理一切
(所以佢地好死板咁守規則)
但行動方式太強硬,強迫所有人接受佢地既思想,理念
不過呢啲都唔係我憎佢地既原因...而係佢地成班都好串咀,所以去死啦兄弟會!!

所以家陣仲煩緊揀邊個陣營...

作者: 345pink 時間: 2016-1-5 23:32
雖然我冇挽，不過個人認為鐵路最好，因為佢地會幫合成人逃走。學院就當上面D人係癈物，兄弟會就最差，合成人好無辜咁比佢地殺。

作者: Matthew06 時間: 2016-1-6 10:08
其實真是可以做廢土大魔王呀，我試拿咗鐵路個炸彈之後滅咗鐵路然後幫兄弟會滅學院,再用炸彈炸船,帶黒人去旅行,再殺埋佢,義勇軍就無唒人,咁就做到大魔王啦

作者: Hin724 時間: 2016-1-7 05:25
兄弟會其實仲黑人憎過學院講真,
學院起碼都叫奸得光明正大,兄弟會就大條道理好多野講但陰D陰D,
外國用''一班極度自我中心+種族歧視嘅北韓''來形容佢地
總之人地用槍就係犯法,佢地用槍就叫正義,
人地有fatman就天地不容,佢地用fatman亂掃就叫正確用法,
用我地係兄弟會我地就係正義嘅化身,收槍收錢收人殺人洗腦,
如果世界被佢地來多次核爆,佢會同你講只係清洗呢個世界,絕對正確
覺得呢個世上人類係最高級,而人類之中兄弟會係最頂尖,
如果人類外嘅生物有智慧有思想,係對人類嘅不敬,
超級變種人,殺!
食屍鬼,殺!
學院,殺!
機械人,殺!
合成人,殺!
RAIDER,殺!
鐵路,殺!
義勇軍....你好彩,唔洗死,因為我根本睇你唔起,殺都哂我時間-.-
總之人類外嘅野咩都殺!

如果兄弟會查我條村,應該要死大半人我先入到會,
nick,strong,mama murphy, vault tec ref, Hancock, deacon, cait, codsworth全部都要死
Dogmeat如果識鍾意我,佢都要死,
之後入會任係要我去發光海殺博士,
咁先入到兄弟會

作者: Hin724 時間: 2016-1-7 05:57

GameplayHK俊發表於 2016-1-5 17:49
其實每個陣營都有佢唔好既地方，要揀邊個真係好難取捨

兄弟會：消滅一切非人類生物，以兄弟會之名周圍去收 ...

義勇軍其實都係幾搞笑,明明我係大佬,但我比D細嘅點去東去西,細至起水泵,大至殺人清場,全部都係我一個人去做佢地就掛義勇軍個名食花生= =抵佢地一隻女王就理佢地單,趕佢地出城堡,成班根本冇料扮4條= =最後隻女王都係我殺嫁陰公,佢地根本唔打得幾下就死又冇輸出

其實鐵路幫合成人邊D幫邊D唔幫幾值得講,我覺得第3代係絕對幫得過嘅,似終佢地都已經唔係機械人,係有血有肉有獨立思想嘅人做人,當佢地係人類係合情合理,而且....DANSE!!!!!!你係成隻GAME除左dogmeat之外,唯一一個有正義心又忠直嘅人來!!!你係我心入面比其他旦散更似一個人!!!我會殺哂兄弟會幫你報牛嫁!!!
第1代就明只係機械人只收命令做野,冇思想,2代就只係外表更似人,同肉體強化,思想同1代冇分別,唔值得幫
2.5代嘅就比較得意,佢外表仲係2代一樣,但就已經有第3代嘅思想,會思考會分析有感情,我覺得都應該幫,同我幾鍾意NICK,NICK好正義,雖不過我偷野殺人放野佢會話我,但睇得出佢係好人一過,同大情聖來

glory...我冇打算理佢,佢只不過係見同類先咩都幫= =唔通捉1,2代反來re program佢地咩= =佢最後咪又係聽洗佢腦個個,冇思想就係冇思想嫁啦

我覺得好睇大家點去介定一個''人'',博士係咪人?NICK係咪人?DANSE係咪人?VAULT TEC REF係咪人?codsworth係咪人?我覺得佢地全部都係人,而好多其他人....正如某巨人少年講...''班禽獸只係咁岩生得似個人''

作者: Hin724 時間: 2016-1-7 06:06
我卡左係揀陣營個到...學院要我去調堡山殺鐵路,鐵路叫我唔好再同義勇軍玩,專心幫佢地去調堡山做野,義勇軍又真係唔抵得過,除左好心之外根本就廢,人少地細科技廢冇武器,好心有鬼用咩,義勇軍仲係叫我去東去西幫人地,根本做唔到大事,兄弟會最簡單但最仆街,叫我總之唔係兄弟會就殺....

pickman搵日幫我去殺哂佢地得唔得,我會得閒去gallery''欣賞''佢地D畫,咁我會煩少好多

歡迎光臨 GameplayHK 論壇 (http://forum.gameplayhk.com/)