GameplayHK 論壇

標題: 新年新突破-Red Alert2 (盟軍困難) 再用焦土破最難嗰關　 [打印本頁]

作者: EdwardLam 時間: 2016-1-1 22:26
標題: 新年新突破-Red Alert2 (盟軍困難) 再用焦土破最難嗰關　
本帖最後由 EdwardLam 於 2016-1-1 22:53 編輯

呢關應該係Red Alert2 最難既一難,盟軍既尾二嗰關.
真係難到我卡關卡咗成個月左右...
終於喺新既一年過到關,真係好有成就感~

以下就係我過關既過程(重點喺圖後):
一開始,我一如既往咁用海豚趕走咗纏住艘遊輪既八爪魚.
跟住又係盡量保住兩個礦場(資金來源),
最重要係盡努力守好個基地(起好超時空傳送裝置同好多光棱坦克仲有飛行兵)...

而之後...當然又係一如既往咁先後失去兩個礦,然後連基地都無埋

如圖所見,個基地被敵人拆咗之後,電又無,錢又無,所有既建築都無...
淨番好仁慈咁留低個海軍基地同啲光棱坦克,光行兵,etc.

好彩我成功咁用搭載艇轉移咗一啲光棱坦克同美國大兵過去敵人嗰邊.
仲用清空咗既艇同無得用既礦車周圍探索開地圖.
最初我以為贏面唔大,(平時呢啲剩低既兵好易去到俾人地啲磁爆塔同大坦克殺)
但後黎慢慢殺咗附近既敵人,光棱坦克開始升level,射程同攻擊力都高咗好多.

我既光棱坦克已經可以輕鬆離遠炸死啲敵人(喺佢地未打到埋我之前)

就係咁,我慢慢入敵人既基地推進,逐個逐個建築拆(佢啲塔同坦克既威脅少好多).
最後終於贏咗~

時間仲比標準快少少,而且殺咗唔少敵人(四百幾件)今次真係好興奮~

歡迎光臨 GameplayHK 論壇 (http://forum.gameplayhk.com/)