衝刺技說明:跑步時攻擊會發動衝刺攻擊,弱點係低準確,容易撲空,難控制節奏
格擋說明:喺敵人攻擊既瞬間對佢造成傷害,除咗有好大機會造成敵人長時間硬直之外,仲有至少兩倍攻擊力既加成,普通怪物就可以直接處決.(比喺SAO打斷劍技既效果仲顯著)用法例子:
1.(高機率成功)喺電鋸佬揮鋸既瞬間正面劈佢會格劍,擋之餘可以能會扣到佢少少血.
2.(低機率成功)喺巨人拾發動二連棍既時候迴避+兜去佢後面,喺佢第二hit時劈佢會打到佢仆下仆下咁
3.(低機率成功)喺Sebastian開麥林手槍時用RPG炸佢會炸到佢飛起
4.(高機率成功)趁肥佬怪攻擊時打佢,之後可以直接處決
閃避說明:撳L1+向左/右方向搖控杆向左/右方向迴避
用法例子:
1.(低機率成功)喺電鋸佬揮鋸時喺佢隔離/後面劈佢,可以打到佢跪低,長時間硬直
2.左右迴避RPG,之後趁佢入彈上前打佢
迴避反擊節奏說明:閃避敵人攻擊後反擊既節奏,熟練後可以輕鬆對付人型怪物,(屈機)程序如下:
向敵人奔跑(當你同敵人靠近時,敵人會優先使用近戰模式攻擊)->喺敵人前面停低(唔停低會發動衝刺攻擊,暴露自身弱點)->揮2-3錘->退後迴避->即刻靠近再補兩錘(以上步驟喺敵人未重傷之前重複進行)
用法例子:Sebastian,Joseph,RPG佬本身屬於遠攻型,但都有近戰技去平衡,分別係:鐵蓮花,斧頭,火箭炮扑低你
衝前靠近佢地之後,佢地就會用較易掌握節奏既近戰技,喺佢出起手動作時迴避,按上述方法反擊就可以無傷連死佢地
處決說明:喺敵人重傷/硬直時可發動,對小怪有必殺效果.
發動時會波及所有掂到個錘既敵人(可以同時清理幾隻小怪)
用法例子:
1.用箭炮塔射低巨人拾,佢訓低可以衝前處決
2.Joseph重傷跪低後可以用處決技當佢係波咁踢(不過未必殺得死佢)
無限彈說明:完成所有虐殺紀念後解鎖,打法係狂轉用勁武器屈死怪物
通常會用RPG,除咗入彈慢之後超屈,用無限火箭炸怪
用法例子:
打Joseph&Sebastian前,先喺佢地入黎既通道狂擺陷阱,佢地見到可能會拆,跟住用RPG射Sebastian射到佢仆低,最好趁佢爬緊起身時再補下一發,5發左右搞掂
|