呢關既其中一個目標係要拆哂尤里既磨機(回收被洗腦既居民增加收入...好變態)
敵人會經常派坦克,加農炮坦克,燃燒兵&尤里複製人襲擊玩家既基地,非常麻煩.
經過多次既慘敗之後,我發覺呢關唯一/最好既打法就係起光棱坦克,越多越好.
之前我因為覺得起戰車工廠&作戰實驗室要$4000好貴而無用呢個方法,
淨係用一開頭既荷里活超能力人同埋一堆重GI紮營(有火箭炮),
諗住用超人守敵人步兵,GI守衛守坦克.
點知因為行動力不足,加上敵人太多,始終都被纖滅.(有時有一堆尤里打唔切,俾佢控制咗我啲GI互殘,
跟住啲加農炮就趁防守空隙衝入黎)
尤里-剋->重GI-剋->坦克-剋->荷里活超人-剋->步兵(包括尤里).
跟住我發現多架光棱坦克有好勁既射程&攻擊力可以彌補哂我頭先講既弱點,
既可以防守,又可以進攻.
另外有架要塞車增援都好好用(好似多功能步兵車咁),好高防.
我鍾意擺啲荷里活明星&重GI入去,保護佢地喺架裝甲車入面用佢地既技.
其實上面有個維修場可以用$500既工程師佔領黎用,
不過因為嗰度隔離有棟建築被敵人佔據咗,我順手炸埋個維修場.
加上維修場擺喺基地方便啲,所以都係俾$800買個維修場.
呢度係尤里霸咗既片場,有隻恐龍喺入面.隔離既通道係俾佢啲坦克通過.
光棱坦克隊升lv.,有3架係3柴.
向上推進~
起番座間碟衛星,睇住全場~
尤里既小基地(磨床)清得七七八八
佔領埋個傘兵基地先~
仲有座體育館拆
呢啲奴隸車(?)好煩,好高防,用成隊光棱坦克每下都係扣得1-3格血.
最後剷埋佢個大本營(防守好薄弱)
勝利~
tips:敵人通常會從基地既左上方,左方&右上方進攻.
拆完磨床有寶箱(唔通係分解咗既居民?)執,有好多錢.
除咗一開始上面既荷里活明星之外,之後拆尤里細基地既時候仲會解放到其他明星,
最好放喺要塞(裝甲車入面),等佢地無咁易死.
|